Karthi: ஜப்பான் யாரு..?: மரண மாஸ் அறிவிப்பை வெளியிட்ட கார்த்தி படக்குழு.!

தமிழ் சினிமாவில் முன்னணி நடிகராக திகழுபவர் கார்த்தி. இவர் வந்தியத்தேவனாக நடித்த 'பொன்னியின் செல்வன்' இரண்டாம் பாகம் சமீபத்தில் வெளியாகி பாக்ஸ் ஆபிஸில் வசூல் சாதனை படைத்தது. இதனையடுத்து இவர் நடிப்பில் தற்போது உருவாகி வரும் 'ஜப்பான்' படத்திற்காக ரசிகர்கள் ஆர்வமுடன் காத்திருக்கின்றனர். இந்நிலையில் இந்தப்படத்தின் அதிரடியான அப்டேட் தற்போது வெளியாகியுள்ளது.

கார்த்தி நடிப்பில் கடந்தாண்டு அடுத்தடுத்து மூன்று படங்கள் வெளியாகி ஹாட்ரிக் ஹிட்டடித்தது. மணிரத்னம் இயக்கத்தில் மல்டி ஸ்டார் படமாக ரிலீசான 'பொன்னியின் செல்வன்' படத்தில் விக்ரம், ஜெயம் ரவியுடன் இணைந்து நடித்திருந்தார் கார்த்தி. இந்தப்படத்தில் இவரின் வந்தியத்தேவன் கதாபாத்திரம் ரசிகர்கள் மத்தியில் பாராட்டுக்களை குவித்தது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

இதன் இரண்டாம் பாகம் அண்மையில் வெளியானது. முதல் பாகத்திற்கு கிடைத்த அளவு 'பொன்னியின் செல்வன் 2' படத்திற்கு பெரிதான வரவேற்பு கிடைக்கவில்லை. இதனையடுத்து தற்போது 'ஜப்பான்' படத்தில் நடித்து வருகிறார் கார்த்தி. இந்தப்படத்தை குக்கூ, ஜோக்கர், ஜிப்ஸி உள்ளிட்ட விமர்சனரீதியாக வரவேற்பை பெற்ற படங்களின் இயக்குனர் ராஜு முருகன் இயக்கி வருகிறார்.

தமிழ், மலையாளம், கன்னடம் மற்றும் தெலுங்கு உள்ளிட்ட நான்கு மொழிகளில் உருவாகும் இந்தப்படத்தை ட்ரீம் வாரியர்ஸ் பிக்சர்ஸ் நிறுவனம் பிரம்மாண்டமாக தயாரித்து வருகிறது. தமிழ்நாட்டில் நடைபெற்ற ஒரு உண்மை சம்பவத்தை மையமாக கொண்டு 'ஜப்பான்' படம் உருவாகி வருவதாக கூறப்படுகிறது. இதன் படப்பிடிப்பு தற்போது விறுவிறுப்பாக நடந்து வருகிறது.

Vidaamuyarchi: அஜித்துக்கு ஜோடியாகும் திரிஷா.?: 'விடாமுயற்சி' படத்தில் காத்திருக்கும் செம்ம ட்விஸ்ட்.!

இந்நிலையில் நாளை கார்த்தியின் பிறந்தநாளை முன்னிட்டு 'ஜப்பான்' படத்தின் அப்டேட் வெளியாகவுள்ளது. அதன்படி நாளை இந்தப்படத்தின் டைட்டில் கதாபாத்திரத்தை அறிமுகம் செய்யும் வீடியோ நாளை காலை 11 மணிக்கு வெளியாகும் என படக்குழு அறிவித்துள்ளது. இதனால் கார்த்தி ரசிகர்கள் உச்சக்கட்ட எதிர்பார்ப்பில் உள்ளனர்.


கார்த்தியின் 25 படமாக உருவாகி வரும் ஜப்பானில் அனு இம்மானுவேல் கதாநாயகியாக நடித்து வருகிறார். மேலும் இயக்குனர் விஜய் மில்டன் மற்றும் பிரபல தெலுங்கு நடிகர் சுனில் முக்கிய கதாபாத்திரத்தில் நடிக்கின்றனர். ரசிகர்கள் மத்தியில் மிகுந்த எதிர்பார்ப்பை கிளப்பியுள்ள 'ஜப்பான்' படத்திற்கு ஜிவி பிரகாஷ் குமார் இசையமைத்து வருவது குறிப்பிடத்தக்கது.

Sarath Babu: சரத்பாபுவுக்கு இறுதி அஞ்சலி செலுத்த கமல் ஏன் வரவில்லை.?: விளக்கமளித்த சுஹாசினி.!