Sardar: கார்த்தியின் அடுத்த சம்பவம்: ரிலீசுக்கே முன்பே மாஸ் காட்டும் 'சர்தார்'..!

தமிழ் சினிமாவின் முன்னணி நடிகராக வலம் வருபவர் நடிகர் கார்த்தி. இவர் நடிப்பில் அடுத்தடுத்து படங்கள் வெளியாகி ரசிகர்கள் மத்தியில் வரவேற்பை பெற்று வருகிறது. கடந்த சில மாதங்களுக்கு முன்பாக கார்த்தி நடிப்பில் முத்தையா இயக்கத்தில் 'விருமன்' படம் வெளியானது. சூர்யாவின் 2D எண்டர்டெயின்மென்ட் தயாரிப்பில் வெளியான இந்தப்படம் வசூலில் நல்ல வரவேற்பை பெற்றது.

இந்தப்படத்தை தொடர்ந்து கடந்த வாரம் மணிரத்னம் இயக்கத்தில் 'பொன்னியின் செல்வன்' படம் வெளியானது. இந்தப்படத்தில் வந்தியத்தேவனாக நடித்து அனைவரின் பாராட்டுக்களையும் அள்ளி வருகிறார் கார்த்தி. இதுவரை இல்லாத அளவிற்கு இந்தப்படம் பாக்ஸ் ஆபிஸில் மிகப்பெரிய வசூல் சாதனை படைத்து வருகிறது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

இதனிடையில் மித்ரன் இயக்கத்தில் 'சர்தார்' படத்திலும் நடித்துள்ளார் கார்த்தி. பிரின்ஸ் பிக்சர்ஸ் நிறுவனம் தயாரித்துள்ள இந்தப் படத்தில் ரஜிஷா விஜயன், ராஷி கண்ணா ஆகியோர் நாயகிகளாக நடித்துள்ளனர். கொரோனா காரணமாக பலமுறை இந்தப்படத்தின் படப்பிடிப்பு ஒத்தி வைக்கப்பட்டது. அதனை தொடர்ந்து சென்னையில் பிரம்மாண்டமான அரங்குகள் அமைத்து படப்பிடிப்பை நடத்தினர் படக்குழுவினர்.

Jailer: 'ஜெயிலர்' படம் குறித்து ரஜினி மகள் சொன்ன விஷயம்: எதிர்பார்ப்பில் ரசிகர்கள்.!

இந்நிலையில் ரிலீசுக்கு முன்பாகவே தமிழகம் அல்லாத மற்ற வியாபாரங்கள் மூலமாக 'சர்தார்' படம் 64 கோடி வசூலித்துள்ளதாக தகவல்கள் வெளியாகியுள்ளது. அதில் தொலைக்காட்சி மற்றும் டிஜிட்டல் உரிமங்கள் ஆகியவை 31 கோடி ரூபாய்க்கு விற்பனை செய்யப்பட்டுள்ளதாக கூறப்படுகிறது. அதை தவிர, இந்தி டப்பிங் உரிமையை 11 கோடி ரூபாய்க்கு விற்பனை செய்யப்பட்டுள்ளது.

Love Today: ஒரு போனால் 'கோமாளி' பட இயக்குனர் காதலில் வெடித்த பிரச்சனை.!

மேலும் பிற மொழிகள் உரிமை 2 கோடியே 60 லட்சத்துக்கு விற்பனையாகியுள்ளதாக தகவல்கள் வெளியாகியுள்ளன. அத்துடன் ஓவர்சீஸ் உள்ளிட்ட விஷயங்களை சேர்த்து 64 கோடி வரை 'சர்தார்' படத்தின் பிசினஸ் நிகழ்ந்துள்ளதாக கூறப்படுகிறது. ஸ்பை த்ரில்லர் பாணியில் உருவாகும் இந்தப்படத்திற்கு ஜிவி பிரகாஷ் இசையமைத்துள்ளார். 'சர்தார்' படம் தீபாவளி ரிலீசாக வெளியாகவுள்ளது குறிப்பிடத்தக்கது.