Viruman: 'விருமன்' பட பாடலால் வெடித்த சர்ச்சை: திமுக, அதிமுக பிரமுகர்கள் பரபரப்பு ட்வீட்.!

கார்த்தியின் 'விருமன்' படம் கடந்த வாரம் வெளியாகி ரசிகர்கள் மத்தியில் அமோக வரவேற்பினை பெற்று வருகிறது. கடந்த 2015 ஆம் ஆண்டு வெளியான 'கொம்பன்' படத்திற்கு பிறகு தற்போது ஆறு ஆண்டுகள் கழித்து 'விருமன்' படத்தின் மூலம் கார்த்தி, முத்தையா இருவரும் மீண்டும் இணைந்துள்ளனர். சுல்தான் படத்திற்கு பிறகு வெளியாகும் கார்த்தி படம் என்பதால் 'விருமன்' படத்திற்கு ரசிகர்கள் ஆர்வமுடன் காத்திருந்தனர்.

சூர்யாவின் 2D எண்டர்டெயின்மென்ட் நிறுவனம் தயாரித்துள்ள இந்தப்படத்தில் ராஜ்கிரண், பிரகாஷ்ராஜ், சூரி மற்றும் பலர் நடிக்கின்றார்கள். கொம்பன் படம் போலவே இப்படமும் கிராமத்து பின்னணியில், குடும்ப சென்டிமென்ட் உடன் ஆக்ஷன் படமாக உருவாகவுள்ளது. இந்தப்படத்திற்கு யுவன் சங்கர் ராஜா இசையமைத்துள்ளார்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

'விருமன்' படத்தின் மூலம் தமிழ் சினிமவில் கதாநாயகியாக அறிமுகமாகியுள்ளார் இயக்குனர் ஷங்கரின் மகள் அதிதி. கடந்த வாரம் வெளியாகியுள்ள 'விருமன்' படம் அனைத்து தரப்பினர் மத்தியிலும் பாசிட்டிவான விமர்சனங்களை குவித்து வருகிறது. இந்நிலையில் இந்தப்படத்தில் இடம்பெற்றுள்ள 'கஞ்சா பூ' பாடல் சர்ச்சைகளை கிளப்பியுள்ளது. போதையை ஊக்குவிக்கும் விதமாக இந்தப்பாடல் அமைந்துள்ளதாக குற்றச்சாட்டு எழுந்துள்ளது.

Aishwarya Rajinikanth: தந்தை ரஜினியை அப்படியே பாலோ பண்ணும் ஐஸ்வர்யா: பாராட்டும் ரசிகர்கள்.!

இந்நிலையில் முன்னாள் அதிமுக அமைச்சர் ஜெயக்குமார் வெளியிட்ட ட்விட்டர் பதிவு ஒன்று வைரலாகி வருகிறது. அதில், ‘தமிழ்நாட்ல ஏற்கனவே திரும்பிய திசையெல்லாம் கஞ்சா தடையில்லாம கிடைக்குது. அதை தடுக்க திமுக அரசுக்கு திராணியும் இல்லை. போதாக்குறைக்கு கஞ்சா பூ கண்ணாலே-னு பாட்டு வேற..’ என்று பதிவிட்டுள்ளார்.


இதற்கு பதிலடி கொடுக்கும் விதமாக திமுக எம்.எல்.ஏ மயிலை வேலு, படத்த வைச்சி ஒப்பீடு செய்யாரரு அறிவாளி. அப்போ இந்த படத்துப்படி பார்த்தா உங்க தலைவர் இப்படித்தான் ஆட்சி பண்ணிருக்கார் என எம்.ஜி.ஆரின் 'சொல்லி தாருங்கள். பள்ளி பாடங்கள் என்ற பாடலை பதிவிட்டுள்ளார். இந்த பதிவுகள் இணையத்தில் பரபரப்பை கிளப்பியுள்ளது.