சிபிராஜுக்கு ஜோடியாகும் கருப்பன் நாயகி!

‘பலே வெள்ளையத்தேவா’ படத்தின் மூலம் தமிழ் சினிமாவில் அறிமுகமானவர் நடிகை தான்யா. அதையடுத்து இவர் ‘பிருந்தாவனம்’ மற்றும் ‘கருப்பன்’ ஆகிய படங்களில் நடித்துள்ளார். ‘கருப்பன்’ படத்தில் விஜய் சேதுபதிக்கு இவர் ஜோடியாக நடித்துள்ளார். இந்தப் படத்தில் இவரது நடிப்பு பலராலும் பேசப்பட்டது. இவரைப் பற்றி பலருக்கும் தெரிய வாய்ப்பில்லை. இவர் மறைந்த நடிகர் ரவிச்சந்திரன் பேத்தி.

தற்போது இவர் ‘மாயோன்’ என்ற படத்தில் நடிக்க ஒப்பந்தமாகியுள்ளார். இந்தப் படத்தில் சிபிராஜ் ஹீரோவாக நடிக்கிறார். இந்தப் படத்தை புதுமுக இயக்குனர் கிஷோர் இயக்கவுள்ளார். இந்தப் படத்திற்கு இளையராஜா இசையமைக்கவுள்ளார்.

த்ரில்லர் பாணியில் உருவாகும் இப்படத்தின் பர்ஸ்ட் லுக் போஸ்டர் மற்றும் மோஷன் போஸ்டர் ஆகியவை சமீபத்தில் வெளியாகி ரசிர்களிடம் நல்ல வரவேற்பைப் பெற்றது.