‘கருப்பன்’ படத்துக்கு கிடைத்த ‘யு’ சான்றிதழ்!

விஜய் சேதுபதி நடிப்பில் உருவான ‘கருப்பன்’ படத்திற்கு ‘யு’ சான்றிதழ் கிடைத்துள்ளது.

‘கவண்’, ‘விகரம் வேதா’ என இரண்டு வெற்றிப் படங்களை கொடுத்த நடிகர் விஜய் சேதுபதி அடுத்ததாக ‘புரியாத புதிர்’ என்ற படத்தை கொடுத்தார். இந்தப் படம் சுமாரான வெற்றியைக் கொடுத்தது. இந்நிலையில் அடுத்ததாக அவர் நடிப்பில் வெளியாக இருக்கும் படம் ‘கருப்பன்’. இந்தப் படம் ஆயுத பூஜை அன்று வெளியாகவுள்ளது.

‘கருப்பன்’ படத்தை நேற்று தணிக்கைக்குழுவுக்கு அனுப்பி வைத்தனர். படத்தை பார்த்த தணிக்கை குழு அதிகாரிகள் படத்திற்கு ‘யு’ சான்றிதழ் வழங்கியுள்ளனர். ஆகையால் ‘கருப்பன்’ படத்தை வரும் ஆயுதபூஜை தினமான செப்டம்பர் 29ல் வெளியிட முடிவு செய்துள்ளனர். இதுகுறித்த அதிகாரபூர்வ அறிவிப்பு இன்னும் ஓரிரு நாளில் வெளிவரும் என்றும் படக்குழுவினர் தெரிவித்துள்ளனர்.

‘கருப்பன்’ படத்தில் விஜய்சேதுபதி, தான்யா, பாபிசிம்ஹா, கிஷோர், பசுபதி, லிங்கா, சிங்கம்புலி, ரேணுகா, காவேரி, உள்பட பலர் நடித்துள்ளனர். இந்த படத்தை ஆர்.பன்னீர்செல்வம் இயக்கியுள்ளார். படத்திற்கு டி.இமான் இசையமைத்துள்ளார். ஜல்லிக்கட்டை மையமாக கொண்டு இந்தப் படம் எடுக்கப்பட்டிருப்பதால் இந்தப் படத்திற்கு ரசிகர்களிடம் மிகுந்த எதிர்பார்ப்பு உள்ளது.