முதலில் குஷ்பு, அப்புறம் கஸ்தூரியா?: நடக்கட்டும், நடக்கட்டும்

காங்கிரஸ் கட்சியின் செய்தித் தொடர்பாளராக இருந்த குஷ்பு ட்விட்டரில் பாஜகவினரை ஓட, ஓட விரட்டினார். பாஜகவினர் குஷ்புவை ஒரு முஸ்லீம் என்று சொல்லி வந்தார்கள். அதற்கு அவரோ தன் ட்விட்டர் கணக்கில் நான் பக்தாஸுக்கு நக்கத் கான் என்று குறிப்பிட்டிருந்தார்.

இந்நிலையில் குஷ்பு காங்கிரஸ் கட்சியில் இருந்து விலகி பாஜக பக்கம் சென்றுள்ளார். இதை பார்த்தவர்கள் கூறியிருப்பதாவது,

ட்விட்டரில் பக்தாஸை விரட்டி, விரட்டி அடிச்சீங்களே. நீங்கள் போய் இப்படி பாஜகவில் சேரலாமா?. இப்படி ஒரு விஷயத்தை நாங்கள் எதிர்பார்க்கவே இல்லை. என்னமா இப்படி பண்றீங்களேமா என்று தெரிவித்துள்ளனர்.

குஷ்பு வெளியிடும் அதிகாரப்பூர்வ அறிக்கையை பார்க்க காத்திருப்பதாக கஸ்தூரி ஒரு ட்வீட் போட்டார்.
அதை பார்த்தவர்கள், முதலில் குஷ்பு பாஜகவுக்கு சென்றிருக்கிறார். அடுத்து நீங்களா?. உங்களை கூட பாஜகவில் சேர வருமாறு அழைத்ததாக அண்மையில் கூறினீர்களே. அக்கா, நீங்களும் அந்த பக்கம் போய்விடுவீர்களா?

தேர்தல் நெருங்கும் நேரத்தில் பாஜகவினர் ஏன் நடிகைகளை தங்கள் கட்சியில் சேர வைக்கும் முயற்சியில் இறங்கியுள்ளனர்.

சங்கிகள் எல்லாம் மங்கிகள் மாதிரி நடந்து கொள்கிறார்கள் என்று சொன்ன குஷ்பு பாஜகவுக்கு சென்றுவிட்டாரே கஸ்தூரி அக்கா. இது பற்றி உங்கள் கருத்து என்ன?. பாஜகவில் குஷ்பு என்கிற தலைப்பில் தயவு செய்து உங்கள் யூடியூப் சேனலில் ஒரு வீடியோ வெளியிடுங்கள். உங்கள் கருத்துகளை கேட்க ஆவலாக இருக்கிறோம் கஸ்தூரி அக்கா என்று தெரிவித்துள்ளனர்.

குஷ்பு கட்சி மாறியுள்ளதால் பலரும் சமூக வலைதளங்களில் அவரை பற்றி தான் பேசிக் கொண்டிருக்கிறார்கள். இதனால் #kushboo என்கிற ஹேஷ்டேக் ட்விட்டரில் தேசிய அளவில் டிரெண்டாகிக் கொண்டிருக்கிறது.

குஷ்புவை பாஜகவுக்கு வரவேற்று சிலர் ட்வீட் போடுகிறார்கள். முன்னதாக குஷ்பு பாஜவினருக்கு லெஃப்ட் அன்ட் ரைட் கொடுத்த ட்வீட்டுகளை ஸ்கிரீன்ஷாட் எடுத்து சிலர் வெளியிட்டு வருகிறார்கள். பாஜகவிலும் முக்கியத்துவம் கிடைக்கவில்லை என்றால் அடுத்து எங்கு செல்வீர்கள் என்று சிலர் கேள்வி எழுப்பியுள்ளனர்.

நமக்கு எதற்காக அரசியல், பேசாமல் படங்களில் நடிப்பதோடு நிறுத்திக் கொள்ளலாமே என்று சிலர் கூறியுள்ளனர்.

வனிதா என் தோழி இல்லை, நான் பார்த்து வளர்ந்தவர்: ஒரே போடு போட்ட கஸ்தூரி