150 தியேட்டர்களில் வெளியாக உள்ள அஜித்தின் ரீமேக் படம்..!

அஜித் நடித்த வீரம் படத்தின் தெலுங்கு ரீமேக்கான ‘கட்டமராயுடு’ திரைப்படம் தமிழகத்தில் 150 தியேட்டர்களில் வெளியாக உள்ளது.

சிறுத்தை சிவா இயக்கத்தில் அஜித் நடித்த ’வீரம்’ திரைப்படம், சூப்பர் ஹிட் படமாக அமைந்தது. இதனைத் தொடர்ந்து இந்த படம் ‘கட்டமராயுடு’ என்ற பெயரில் தெலுங்கில் ரீமேக் செய்யப்பட்டுள்ளது. இதில் ஹீரோவாக பவன் கல்யாண் நடித்துள்ளார். ஹீரோயினாக ஸ்ருதி ஹாசன் நடித்துள்ளார். வரும் 24-ஆம் தேதி கட்டமராயுடு வெளியாக உள்ளது.

இந்நிலையில் இந்த படத்தை தமிழ்நாட்டில் 150 தியேட்டர்களில் திரையிட திட்டமிடப்பட்டுள்ளது. இந்த படம் இதற்கு முன்னர் தமிழ் நாட்டில் வெளியான நேரடி தெலுங்கு படங்களின் சாதனைகளை முறியடிக்கும் எனவும் எதிர்பார்க்கப்படுகிறது.

தமிழ்நாட்டில் வெளியான நேரடி தெலுங்குப் படமான சிரஞ்சீவியின் ”கைதி நம்பர் 150” திரைப்படம், முதல் நாளில் 70 லட்சம் வசூலித்தது தற்போது வரை சாதனையாக உள்ளது. அந்த சாதனையை கட்டமராயுடு முறியடிக்கும் என விநியோகஸ்தர்கள் நம்பிக்கை தெரிவித்துள்ளனர்.

Katamarayudu will release 150 theatres in Tamilnadu