பிரசவத்திற்கு பிறகு உடல் எடையை குறைப்பது எப்படி?: ரகசியம் சொன்ன ஸ்ரேயா

ரஷ்யாவை சேர்ந்த தொழில் அதிபரான ஆண்ட்ரே கோஷ்சீவை காதலித்து கடந்த 2018ம் ஆண்டு திருமணம் செய்து கொண்டார் நடிகை ஸ்ரேயா சரண். தங்களுக்கு மகள் பிறந்திருப்பதாக அக்டோபர் மாதம் அறிவித்தார் ஸ்ரேயா. மகளுக்கு ராதா என்று பெயர் வைத்துள்ளனர்.

மகள் பிறந்து 9 மாதங்கள் கழித்து தான் அறிவிப்பு வெளியிட்டார் ஸ்ரேயா. அது ஏன் என்று பலரும் கேள்வி எழுப்பினார்கள். இந்நிலையில் தன் செல்ல மகளின் புகைப்படங்கள், வீடியோக்களை தொடர்ந்து இன்ஸ்டாகிராமில் போஸ்ட் செய்து வருகிறார் ஸ்ரேயா.

பிரசவத்திற்கு பிறகு எடையை குறைத்தது குறித்து ஸ்ரேயா பேட்டி ஒன்றில் கூறியிருப்பதாவது, குழந்தை பிறந்த பிறகு பல பெண்களுக்கு வெயிட் போட்டுவிடுகிறது. எடையை குறைக்க நான் கதக் ஆடினேன். மேலும் யோகா செய்தேன். பல ஆண்டுகளாக யோகா செய்கிறேன். கதக்கும், யோகாவும் தான் வெயிட்டை குறைக்க உதவியது என்றார்.

குழந்தை பிறந்த செய்தியை முன்பே ஏன் கூறவில்லை என ஸ்ரேயாவிடம் கேட்கப்பட்டது. அதற்கு அவரோ, நான் அப்பொழுது பார்சிலோனாவில் தனியாக இருந்தேன். அந்த நேரத்தில் அது பற்றி நான் பேச விரும்பவில்லை. லைம்லைட்டில் இல்லாமல் இருந்தது சந்தோஷமாக இருந்தது என்றார்.