மாஸ்டர் படத்தில் நடிகராக அறிமுகம் ஆகும் பிரபல நடிகரின் அப்பா

தற்போது ஒட்டு மொத்த தமிழ் சினிமா ரசிகர்கள் அனைவரும் எதிர்பார்த்து காத்திருப்பது மாஸ்டர் படத்திற்காகத் தான். விஜய் மற்றும் லோகேஷ் கனகராஜ் கூட்டணியில் உருவாகியுள்ள இந்த படம் மிக பிரமாண்ட பட்ஜெட்டில் எடுக்கப்பட்டுள்ளது. இதில் விஜய்க்கு வில்லனாக விஜய் சேதுபதி நடித்துள்ளார்.

மேலும் இந்த படத்தில் ஒரு பிரபல நடிகரின் அப்பாவும் நடித்துள்ளார் என்கிற செய்தி தற்போது வெளியாகியுள்ளது. பரியேறும் பெருமாள், விக்ரம் வேதா உள்ளிட்ட பல படங்களில் நடித்துள்ள நடிகர் கதிர்ரின் அப்பா தான் மாஸ்டர் படத்தில் ஒரு ரோலில் நடித்துள்ளார். கதிர் விஜய்யுடன் பிகில் படத்தில் நடித்திருப்பது குறிப்பிடத்தக்கது. தற்போது அவரது அப்பா விஜய்யுடன் மாஸ்டரில் நடித்துள்ளார். மேலும் விக்ரம் வேதா படத்தில் விஜய் சேதுபதிக்கும் தம்பியாக கதிர் நடித்திருந்தார் என்பது குறிப்பிடத்தக்கது.


தன்னுடைய அப்பா நடிகராக அறிமுகமாகி உள்ளது பற்றி டுவிட்டரில் கதிர் பதிவிட்டுள்ளார். தன்னுடைய அப்பா மற்றும் அம்மா அகரன் புகைப்படங்களை வெளியிட்டு கதிர் இந்த ட்விட்டை பதிவிட்டுள்ளார். அதில் அவர் கூறியிருப்பதாவது..

"இவர்கள் இருவரது பயணம் எனக்கு பெரிய இன்ஸ்பிரேஷன். அவர்களின் கனவு மற்றும் வேட்கை தான் நான் இப்போது இப்படி இருப்பதற்கு காரணம். நான் அவர்களை அப்பா அம்மா என்று அழைக்கிறேன். 53 வருடங்கள் கழித்து நடிகராக வேண்டும் என்கிற என் அப்பாவின் கனவு நிஜமாகி உள்ளது. இது மாஸ்டர் படத்தின் மூலம் நடந்துள்ளது. இது ஒரு சிறிய பகுதி என்றாலும் அவரது வாழ்நாள் கனவை நிறைவேற்றி விட்டது" எனக் கதிர் குறிப்பிட்டுள்ளார்.


கதிர் தற்போது சர்பத் என்ற படத்தில் நடித்து வருகிறார் மாஸ்டர் படத்தின் ரிலீஸ் உரிமையை வைத்திருக்கும் செவன் ஸ்கிரீன் ஸ்டுடியோ நிறுவனம் தான் இந்த படத்தை தயாரித்து வருகிறது. பிரபாகரன் என்ற புதுமுக இயக்குனர் இயக்கி வருகிறார். அவர் இயக்குனர் பாலாஜி சக்திவேல் இடம் உதவியாளராக பணியாற்றியவர். இந்த படத்தில் கதிர் உடன் காமெடியன் சூரி மற்றும் ரகசியா ஆகியோர் நடித்து வருகின்றனர்.

கதிரின் அப்பா மாஸ்டர் படத்தில் ஒரு சிறிய ரோலில் நடிக்கிறார் என்ற செய்தி தற்போது விஜய் ரசிகர்கள் மத்தியில் வைரலாகி வருகிறது. பலரும் கதிருக்கும் அவரது அப்பாவுக்கும் வாழ்த்துக்கள் தெரிவித்து வருகின்றனர்.

மாஸ்டர் படத்தில் மாளவிகா மோகனன் ஹீரோயினாக நடித்துள்ளார். மேலும் லொகேஷன் கனகராஜின் முந்தைய படமான கைதி படத்தில் வில்லனாக நடித்திருந்த அர்ஜுன் தாஸ் இந்த படத்தில் நெகட்டிவ் வேடத்தில் நடித்துள்ளார் என்பது குறிப்பிடத்தக்கது.

ஏப்ரல் ஒன்பதாம் தேதி ரிலீஸ் ஆகி இருக்க வேண்டிய மாஸ்டர் படம் கொரோனா பிரச்சனை காரணாமாக ரிலீஸ் ஆகவில்லை. நாடு முழுவதும் தியேட்டர்கள் திறக்க அரசு அனுமதி அளித்த பிறகு தான் மாஸ்டர் புதிய ரிலீஸ் தேதி பற்றி அதிகாரபூர்வ அறிவிப்பு வெளியாகும் என தெரிகிறது. தீபாவளி பண்டிகைக்கு மாஸ்டர் வெளியாக வாய்ப்பு உள்ளது என சினிமா வட்டாரத்தில் அதிகம் பேசப்படுவது குறிப்பிடத்தக்கது.