டோராவை ஓரங்கட்டிய கவண்! விஜய் சேதுபதி முன்னிலை!

நயன்தாரா நடித்த ‘டோரா’ படத்தின் வசூலை விஜய் சேதுபதி நடித்த ‘கவண்’ படம் முந்தியுள்ளது.

கடந்த வெள்ளியன்று நயன்தாரா நடிப்பில், அறிமுக இயக்குனர் தாஸ் ராமசாமி இயக்கத்தில் ‘டோரா’ திரைப்படமும், விஜய் சேதுபதி நடிப்பில், கே.வி.ஆனந்த் இயக்கத்தில் ‘கவண்’ திரைப்படமும் வெளியானது. ‘மாயா’ பட பாணியில் நயன்தாரா நடித்துள்ள படம் டோரா என்பதால் பெரும் எதிர்பார்ப்பு நிலவியது. ஆனால் படத்தினை பற்றிய கலவையான விமர்சனங்களே வெளியாகின.

அதே நாளில் வெளியான ‘கவண்’, நல்ல விமர்சனங்களை பெற்றது. இந்நிலையில் ‘கவண்’ படத்திற்க்கான திரையரங்குகள் மற்றும் காட்சிகள் அதிகரித்து வருவதுடன் வசூலும் கணிசமாக உள்ளது. கவண் படத்தின் வசூல் முதல் வார இறுதியில் 10 கோடியை தாண்டும் என கூறப்படுகிறது. இது விஜய் சேதுபதி படங்களின் வசூலிலேயே அதிகபட்சமான வசூலாகும்.

kavan movie beat nayantharas dora in collection.