சன் நெட்வொர்க்கில் திடீர் மாற்றங்கள்: கூடுதல் பொறுப்பேற்ற காவியா மாறன்!

சன் நெட்வொர்க், தமிழகம் மட்டுமின்றி இந்தியா முழுவதும் அதன் ஒளிபரப்பு உரிமத்தை விரிவுபடுத்தியுள்ளார். மேலும் மற்ற தொலைக்காட்சியை விட எல்லோருக்கும் பிடித்த சேனல் சன் டிவிதான். இன்று இந்திய அளவில் அதிக பார்வையாளர்களை கொண்ட தொலைக்காட்சி வரிசையில் முதல் இடத்தில் உள்ளது சன் தொலைக்காட்சி.

சன் நிறுவனத்தின் இந்த மிகப்பெரிய வளர்ச்சிக்கு அதில் ஒளிபரப்பாகும் தொடர்கள், நிகழ்ச்சிகள், புது புது படங்கள் இவையெல்லாம் ஒரு காரணம். இந்த தொலைக்காட்சி நிறுவனம் கலாநிதி மாறனால் தொடங்கப்பட்டது. என்னதான் நிகழ்ச்சிகள் நன்றாக இருந்தாலும், நிறுவனத்தின் நிர்வாக அதிகாரிகளும் இந்த வளர்ச்சிக்கு மிகப்பெரிய காரணம்.

இந்நிலையில் சன் நிறுவனத்தில் தற்போது அதிரடியான மாற்றங்கள் நடந்துள்ளன. இதுவரை சன் நிறுவனத்தின் மானேஜிங் டைரக்டர் மற்றும் சிஇஓவாக இருந்த விஜய் குமார் வரும் மார்ச் 31 க்கு பிறகு தனது பொறுப்பில் இருந்து விடுபடுகிறார். அவருக்குப் பதிலாக நிர்வாக இயக்குனராக மகேஷ் குமார் என்பவர் அதாவது மானேஜிங் டைரக்டராக பொறுப்பேற்கவுள்ளார்.

வெளியேறிய விஜய் குமார் வரும் ஏப்ரல் ம் தேதியில் இருந்து சன் நிறுவனத்தின் எக்சிகியூடிவ் டைரக்டராக செயல்படுவார் எனவும் அறிவிக்கப்பட்டுள்ளது. அதேபோல சன் கலாநிதி மாறனின் மகள் காவியா சன் நிறுவனத்தின் கூடுதல் இயக்குனர் மற்றும் நிர்வாக இயக்குனராக செயல்படுவார் எனவும் சன் நெட்வொர்க் வெளியிட்டுள்ள அறிக்கையில் தெரிவிக்கப்பட்டுள்ளது.