கீர்த்தியை பின் தொடரும் 2 மில்லியன் பாலோவர்ஸ்!

நடிகை கீர்த்தி சுரேஷ், தமிழில் ‘இது என்ன மாயம்’ என்ற படத்தின் மூலம் நாயகியாக அறிமுகமானார்.அவரது முதல் படமே ஓடவில்லை. இருந்தாலும் அடுத்தடுத்து அவருக்கு தமிழில் பல படங்கள் புக்காகின. சிவகார்த்திகேயனுடன் ‘ரஜினி முருகன்’, ‘ரெமோ’, விஜய்யுடன் ‘பைரவா’, ‘சர்கார்’, விக்ரமுடன் ‘சாமி 2’, சூர்யாவுடன் ‘தானா சேர்ந்த கூட்டம்’ உட்பட பல படங்களில் நடித்து வந்தார்.

அடுத்தது கீர்த்தியின் நடிப்பு திறமையை வெளிப்படுத்த சாவித்திரியின் வாழ்கை படமான ‘நடிகையர் திலகம்’ என்ற படத்தில் நடித்தார். இந்த படத்தில் நடிப்பில் புகுந்து விளையாடினார் கீர்த்தி. விளைவு. அதன் பயனாக அவருக்கு ஆந்திர அரசு, சிறந்த நடிகைக்கான விருதினை வழங்கியது.

இந்தப் படத்தில் நடித்த கீர்த்தி சுரேஷை பாராட்டாதவர்கள் யாரும் இல்லை, இந்நிலையில் ஐஎம்டிபி என்ற வெளிநாட்டு தளம் ஒன்று இந்தியாவின் சிறந்த 10 படங்களில் ‘மகாநதி’ படத்துக்கு 4வது இடத்தை கொடுத்துள்ளது. இதோடு டுவிட்டரில் கீர்த்தி 2 மில்லியன் பாலோவர்ஸை பெற்றுள்ளார். இதனால் கீர்த்தி சுரேஷ் அதிக சந்தோஷத்தில் இருக்கிறார்.