விஜய் 60: விஜயிடம் பாராட்டு வாங்கிய கீர்த்தி சுரேஷ்

இளையதளபதி விஜய் நடிப்பில் உருவாகி வரும் 'விஜய் 60' படத்தின் படப்பிடிப்பில் நடிகை கீர்த்தி சுரேஷ் கலந்துக் கொண்டார். இதன் முதல் காட்சியிலேயே விஜய்யிடம் கீர்த்தி பாராட்டுகளை பெற்றிருப்பதாக தகவல்கள் வெளியாகியுள்ளன.

சென்னை மற்றும் அதன் சுற்றுப்புறப் பகுதிகளில் இப்படத்தின் படப்பிடிப்பு நடைபெற்று வருகிறது. விஜய் - கீர்த்தி சுரேஷ் நடிக்கும் முக்கிய காட்சிகள் இந்த சென்னை கட்ட படப்பிடிப்பில் நடைபெறவுள்ளது.

இது குறித்து நடிகை கீர்த்தி சுரேஷ் தனது டுவிட்டர் பக்கத்தில் பகிர்ந்துள்ளார். Very happy that I have started shooting for #Thalapathy60 today!😊 Need all your blessings and support. ☺️😊🙏🏻 @actorvijay sir @actorsathish— Keerthy Suresh (@KeerthyOfficial) May 13, 2016

கிராமத்து கதை சார்ந்த படமாக உருவாகும் இப்பட படப்பிடிப்பின் முதல் காட்சியில் விஜய்க்கும், கீர்த்தி சுரேஷுக்கும் ரொமேன்ஸ் காட்சி படமாக்கப்பட்டதாக கூறப்படுகிறது. கீர்த்தி சுரேஷ் நிறைய டேக் எடுப்பாரோ என்று படக்குழு நினைக்க ஒரே டேக்கில் ஒகே வாங்கியதுடன் இளையதளபதியிடம் பாராட்டுப் பெற்றுவிட்டாராம்.

'அழகிய தமிழ்மகன்' பட இயக்குனர் பரதன் இயக்கத்தில் 'விஜயா புரொடக்ஷன்ஸ்' தயாரிக்கவிருக்கும் இப்படத்தில் டேனியல் பாலாஜி, சரத் லோஹித்சவா, கஜபதி பாபு உள்ளிட்டோர் முக்கிய கதாப்பாத்திரத்தில் நடிக்கவுள்ளனர். இப்படத்திற்கு சந்தோஷ் நாராயணன் இசையமைத்துள்ளார்.