ஒரு தாயின் பரிதவிப்பு: கீர்த்தி சுரேஷின் 'பெண் குயின்' டீஸர் வெளியானது

தற்போது இந்தியாவில் முழுவதும் திட்டமிடப்பட்டுள்ள நிலையில் பல சிறிய பட்ஜெட் படங்கள் நேரடியாக ஓடிடி தளங்களில் வெளியாகி வருகின்றன. இதற்கு தியேட்டர் உரிமையாளர்கள் கடும் எதிர்ப்பு தெரிவித்தாலும் அதனையும் மீறி படங்கள் தொடர்ந்து OTTயில் வெளியாகிக்கொண்டு தான் இருக்கின்றன. தியேட்டர்கள் எப்போது திறக்கும் என நிச்சயமில்லாத சூழ்நிலை உள்ள நிலையில் நஷ்டத்தை தவிர்க்கவே தயாரிப்பாளர்கள் முடிவு எடுத்து வருகின்றனர்.

முதலில் ஜோதிகா நடித்த பொன்மகள் வந்தாள் படம் கடந்த மே 29ம் தேதி நேரடியாக அமேசான் பிரைம் தளத்தில் வெளியானது. அதற்கு ரசிகர்களிடம் நல்ல வரவேற்பு கிடைத்து வருகிறது.

இந்நிலையில் அடுத்து கீர்த்தி சுரேஷ் நடிப்பில் பெண் குயின் படம் வரும் ஜூன் 19ஆம் தேதி அமேசானில் ரிலீஸாகிறது. இந்த படத்தினை கார்த்திக் சுப்புராஜ் தான் தயாரித்துள்ளார். படத்தை விளம்பரப்படுத்தும் விதமாக இன்று மதியம் 12 மணிக்கு இந்த படத்தின் டீசர் வெளியிடப்பட்டுள்ளது. பெண் குயின் டீசரை சமந்தா தான் தனது ட்விட்டர் கணக்கில் வெளியிட்டு உள்ளார்.

இந்த ஒன்றரை நிமிட வீடியோவில் த்ரில்லிங்கான பல விஷயங்கள் காட்டப்பட்டுள்ளது. ஈஸ்வர் கார்த்திக் இயக்கியுள்ள படம் மிகவும் த்ரில்லராக உருவாகியிருக்கிறது என்பது இந்த டீஸரை பார்க்கும் போதே தெரிகிறது.


கீர்த்தி சுரேஷ் "அஜய்" என சத்தமாக கத்தும் காட்சி, அதன்பின் ஒரு நீர் நிலையில் அருகில் கீர்த்தி சுரேஷ் மற்றும் பலர் ஓடிச்சென்று பார்க்து அதன் பின் கீர்த்தி சுரேஷ் கையில் ஒரு துணியைவைத்து கொண்டு கதறி அழும் காட்சி நெஞ்சை பதைபதைக்க வைக்கிறது. அதன்பின் டீசர் இறுதியில் சார்லி சாப்ளின் போல தோற்றத்தில் இருக்கும் ஒரு நபர் கையில் கோடாரி உடன் யாரையோ வேகமாக வெட்டிக் கொண்டிருப்பது போல காட்டப்படுகிறது. அது கீர்த்தி சுரேஷா என்பது படம் வந்தால் தான் தெரியும்.

டீசர் பெரிய எதிர்பார்ப்பை ஏற்படுத்தியுள்ள நிலையில் வரும் 17ம் தேதி முழு ட்ரைலர் வெளியிடப்படும் என்றும் குறிப்பிட்டுள்ளனர். தமிழ் தெலுங்கு மலையாளம் ஆகிய மூன்று மொழிகளிலும் படம் வெளியாக உள்ளது.

" A mother’s worst nightmare comes true" என கீர்த்தி சுரேஷ் இந்த டீஸர் பற்றி ட்விட்டரில் குறிப்பிட்டுள்ளார். அதனால் ஒரு தாய் காணாமல் போன தன் மகனை தேடி நடத்தும் போராட்டம் தான் படமாக இருக்கும் என யூகிக்க முடிகிறது. பெண் குயின் படத்தின் போஸ்டரில் கீர்த்தி சுரேஷ் கர்ப்பமாக இருப்பது போல காட்டப்பட்டு இருந்தது என்பது குறிப்பிடத்தக்கது.

கார்த்திக் சுப்புராஜ் தயாரித்துள்ள இந்த படத்திற்கு சந்தோஷ் நாராயணன் தான் இசையமைத்துள்ளார். கார்த்திக் சுப்புராஜ் இயக்கிய பல படங்களுக்கும் சந்தோஷ் நாராயணன் இசையமைத்துள்ளார் என்பது குறிப்பிடத்தக்கது. பீசா, ஜிகர்தண்டா துவங்கி தற்போது அவர் இயக்கிவரும் ஜகமே தந்திரம் படத்திற்கும் சந்தோஷ் நாராயணன் தான் இசையமைத்துள்ளார்.

பெண் குயின் டீஸர் பெரிய எதிர்பார்ப்பை ஏற்படுத்தியுள்ள நிலையில் ட்ரைலருக்காக 11ம் தேதி வரை காத்திருங்கள். அது எதிர்பார்ப்பை இன்னும் பல மடங்கு கூட்டும் என எதிர்பார்க்கலாம்.