கொரோனா ஊரடங்கு: கொல்லராக மாறிய கேஜிஎப் பட இசையமைப்பாளரின் வீடியோ வைரல்

யாஷ் நடிப்பில் வெளிவந்த கேஜிஎப் படம் கன்னடம் மட்டுமின்றி மற்ற மொழி ரசிகர்களையும் வெகுவாக கவர்ந்தது. அடுத்து தற்போது கேஜிஎப் 2 உருவாகி வருகிறது. அதன் பணிகள் வேகமாக நடந்து வந்த நிலையில் தற்போது கொரோனா காரணமாக நிறுத்தப்பட்டுள்ளது.

கொரோனாவால் கிட்டத்தட்ட ஒரு மாதமாக சினிமா துறை முடங்குகிறது என்பதால் சினிமா நட்சத்திரங்கள் மற்றும் தொழிலாளர்கள் அவரவர் வீடுகளிலேயே இருக்கின்றனர்.

கேஜிஎப் படத்தின் இசையமைப்பாளர் ரவி பஸ்ரூர் தனது சொந்த ஊரில் தன் குடும்பத்தினருடன் உள்ளார். கொரோனாவால் ஊரடங்கு வந்தால் என்ன, தன் அப்பா செய்துவரும் தொழிலை செய்யலாம் என அதில் இறங்கி உதவி செய்துள்ளார்.

அவரது அப்பா கொல்லராக உள்ளார். அவர் பணிகளில் ரவி பஸ்ரூர் உதவி செய்துள்ளார். அப்போது எடுக்கப்பட்ட விடீயோவையும் அவர் சமூக வலைத்தளங்களில் பதிவிட்டுள்ளார் அவர். அது ரசிகர்களை வெகுவாக கவர்ந்து வருகிறது.

சில நடிகர் நடிகைகள் தங்கள் வீடுகளில் ஒர்கவுட் செய்வது, சமைப்பது போன்ற போட்டோக்களை வெளியிட்டு வருகின்றனர். அவை வைரலானது போலவே ரவி பஸ்ரூர் வெளியிட்டுள்ள வீடியோவும் இ ணையத்தில் வேகமாக பரவி வருகிறது.

தன் அப்பா 35 ருபாய் சம்பாதிக்க தான் உதவியதாக அந்த பதிவில் குறிப்பிட்டுளளார் ரவி பஸ்ரூர்.