பிரியதர்ஷன் - உதயநிதியுடன் இணையும் ‘கிடாரி’ இசையமைப்பாளர்!

பிரியதர்ஷன் இயக்கத்தில் உதயநிதி நடிக்கும் படத்திற்கு ‘கிடாரி’ படத்தின் இசையமைப்பாளர் தர்புகா சிவா இசையமைக்கவுள்ளார்.

நடிகர் உதயநிதி ஸ்டாலினை வைத்து பிரபல இயக்குனர் பிரியதர்ஷன் ஒரு படத்தை இயக்கவுள்ளார். இந்தப் படத்தின் பூஜை சமீபத்தில் போடப்பட்டது. படத்தின் படப்பிடிப்பு இம்மாதம் 19ம் தேதி முதல் சென்னையில் ஆரம்பமாகவுள்ளது. இந்த நிலையில் இந்த படத்தின் இசையமைப்பாளர் குறித்த அறிவிப்பு வெளியாகியுள்ளது. தர்புகா சிவா தான் இந்த படத்தின் இசையமைப்பாளர். இவர் ஏற்கனவே ‘கிடாரி’, ‘பலே வெள்ளைத்தேவா’ ஆகிய படங்களுக்கு இசையமைத்துள்ளார் என்பது குறிப்பிடத்தக்கது

மலையாளத்தில் வெளியாகி சூப்பர் ஹிட்டான ‘மகேஷிண்டே பிரதிக்கரம்‘ படத்தின் தமிழ் ரீமேக்கில் உதயநிதி நடிக்கவுள்ளார். இந்தப் படத்தை பிரியதர்ஷன் இயக்கவுள்ளார். படத்தில் உதயநிதிக்கு ஜோடியாக நமிதா பிரமோத் மற்றும் பார்வதி நாயர் ஆகியோர் நடிக்கின்றனர்.