என்ன அவசரம், அதற்குள் போயிட்டீங்களே: ஆர்யா, அனிருத், சித்தார்த் பேரதிர்ச்சி

அமெரிக்காவை சேர்ந்த பிரபல முன்னாள் கூடைப்பந்தாட்ட வீரர் கோபே பிரையன்ட், அவர் மகள் ஜியானா உள்ளிட்டோர் சென்ற ஹெலிகாப்டர் விபத்துக்குள்ளானது. இதில் கோபே, ஜியானா உள்பட 9 பேர் உயிர் இழந்தனர். 41 வயதில் கோபே பிரையன்ட் பலியான செய்தி அறிந்து கூடைப்பந்தாட்ட ரசிகர்கள் அதிர்ச்சி அடைந்துள்ளனர். இந்த செய்தி பொய்யாக இருக்கக் கூடாதா என்று பலரும் தெரிவித்துள்ளனர்.

கோபே பிரையின்ட் மறைவு குறித்து அறிந்த தமிழ் திரையுலக பிரபலங்களாலும் அதிர்ச்சி அடையாமல் இருக்க முடியவில்லை. அவர்கள் தங்களின் ஆழ்ந்த இரங்கலை சமூக வலைதளங்களில் தெரிவித்து வருகிறார்கள். அதற்குள் போய்வீட்டீர்களே. உங்கள் ஆத்மா சாந்தியடையட்டும் என்று ஆர்யா தெரிவித்துள்ளார்.

கோபே பிரையன்ட் மறைவால் நடிகர் சித்தார்த்தும் மனமுடைந்து போயுள்ளார். சித்தார்த் மட்டும் அல்ல டோலிவுட், பாலிவுட் பிரபலங்களும் அதிர்ச்சி அடைந்துள்ளனர்.

கோபே பிரையன்ட் விளையாட்டை பார்த்து வளர்ந்த அனைவரும் அவர் விபத்தில் பலியான செய்தி பொய்யாக இருக்கக் கூடாதா என்றே நினைக்கிறார்கள்.