Anupama Parameswaran: நடிகை அனுபமா இந்திய கிரிக்கெட் வீரருடன் காதலா?

இந்திய கிரிக்கெட் அணியின் இளம் வேகப்பந்து வீச்சாளரான ஜஸ்பிரிட் பும்ராவை நடிகை அனுபமா பரமேஸ்வரன் காதலிப்பதாக செய்திகள் வெளியாகி வருகிறது.

நடிகை அனுபமா பரமேஸ்வரன் பிரேமம் படம் மூலம் மலையாள சினிமா உலகில் அறிமுகமானவர். பிரேமம் படத்தின் பிரமாண்ட வெற்றி அவரை மக்களிடையே பிரபலப்படுத்தியது. இதைத்தொடர்ந்து தென்னிந்திய படங்களில் நடிக்கத் தொடங்கினார். தமிழில் தனிஷுடன் அவர் கொடி படத்தில் நடித்தார்.

தொடர்ச்சியாக தெலுங்கு, கன்னட படங்களில் தலை காட்டியவர் திடீரென நடிப்புக்கு முழுக்கு போட்டார். சமுக வலைதளங்களில் தொடர்ர்சியான பதிவுகள் டப்மாஸ் மூலம் ரசிகர்களுடன் நெருக்கமாக உரையாடி வந்தார். இப்போது துல்கர் சல்மான் நடிக்கும் ஒரு படத்தில் உதவி இயக்குநராக பணியாற்றி வருகிறார். விரைவில் அவர் ஒரு படம் இயக்கப்போவதாகதெரிகிறது.

இந்நிலையில் நேற்று மலையாள மீடியா உலகில் அனுபமா இந்திய கிரிக்கெட் வீரர் பும்ராவை காதலிப்பதாக செய்திகள் பரவியுள்ளது. இந்திய கிரிக்கெட் வீரரான பும்ரா தற்போது உலகக்கோப்பை போட்டிகளில் விளையாடி வருகிறார். பும்ரா தன் டிவிட்டர் பக்கத்தில் 25 பேரை மட்டுமே ஃபாலோ செய்கிறார். அதில் பெரும்பாலனவர்கள் கிரிக்கெட் வீரர்கள் மற்றும் கிரிக்கெட் சம்பந்தமான பிரபலங்கள் அவர் ஃபாலோ செய்யும் ஒரே ஹிரோயின் அனுபமா பரமேஸ்வரன் மட்டுமே.

அனுபமாவின் டிவிட்கள் அனைத்தையும் பும்ரா லைக் செய்து பகிர்ந்து வருகிறார். அதேபோல் அனுபமாவும், பும்ரா பதிவுகளை பகிர்ந்து வருகிறார். இது ரசிகர்களிடையே கிசுகிசுவாக பரவி காதல் செய்தியாகியுள்ளது என்பது குறிப்பிடத்தக்கது.

இது உணமையாகுமா? வெறும் கிசுகிசு மட்டும் தானா என்பதை அனுபமாவோ அல்லது பும்ராவோ யாரேனும் ஒருவர் தெளிவுபடுத்தினால் மட்டுமே இந்த காதல் கிசுகிசுக்கு விளக்கம் கிடைக்கும் என்பது குறிப்பிடத்தக்கது.