‘மெர்சலை’ மிரட்ட தீபாவளியன்று களமிறங்கும் ‘கொடிவீரன்’!

தீபாவளியன்று ‘மெர்சல்’ படத்துக்கு போட்டியாக இன்னொரு படமான ‘கொடி வீரன்’னும் களத்தில் இறங்குகிறான்.

அட்லி இயக்கத்தில் விஜய் நடித்துள்ள ‘மெர்சல்’ தீபாவளி தினத்தில் திரைக்கு வரவுள்ளது. இந்நிலையில் இந்த படத்திற்கு போட்டியாக ஏற்கனவே நயன்தாராவின் ‘அறம்‘ மற்றும் மோகன்லால்-விஷாலின் ‘வில்லன்’ உள்பட நான்கு திரைப்படங்கள் வெளியாகவுள்ளது. இந்நிலையில் தற்போது சசிகுமார் நடிப்பில் உருவான ‘கொடிவீரன்’ படமும் தீபாவளி தினத்தில் வெளியாகவுள்ளது. எனவே இந்த தீபாவளி கடும் போட்டியான தீபாவளியாக இருக்கும் என்று கருதப்படுகிறது.

சசிகுமார், மஹிமா நம்பியார், சானுஷா, பாலா, பாலசரவனன், பூர்ணா உள்பட மற்றும் பலர் நடிக்கும் இந்த படத்தை முத்தையா இயக்கியுள்ளார். என்.ஆர்.ரகுநாதன் இசையமைத்திருக்கும் இந்த படத்திற்கு கதிர் ஒளிப்பதிவும், வெங்கட்ராஜன் படத்தொகுப்பும் செய்துள்ளனர். இந்த படத்தை சசிகுமாரின் கம்பெனி புரடெக்ஷன்ஸ் தயாரித்துள்ளது.