‘கோலமாவு கோகிலா’ பர்ஸ்ட் லுக் மார்ச் 5ம் தேதி ரிலீஸ்!

நயன்தாரா நடிப்பில் உருவாகி வரும் ‘கோலமாவு கோகிலா’ படத்தின் பர்ஸ்ட் லுக் மார்ச் 5ம் தேதி வெளியாகவுள்ளது.

‘வேட்டை மன்னன்’ என்ற படத்தை சிம்பு, ஹன்சிகாவை வைத்து இயக்கியவர் நெல்சன் திலீப்குமார். இந்தப் படம் பல வருடங்களாக பாதியிலேயே நிற்கிறது. இந்நிலையில், நயன்தாராவை வைத்து ‘கோலமாவு கோகிலா’ என்ற படத்தை நெல்சன் இயக்கி வருகிறார் இந்தப் படத்தை, லைகா நிறுவனம் தயாரிக்கிறது.

இந்தப் படத்தில், நயன்தாரா, சரண்யா பொன்வண்ணன், யோகிபாபு, விஜய் டிவியின் ‘கலக்கப்போவது யாரு’ பிரபலங்கள் ஜாக்குலின் மற்றும் அறந்தாங்கி நிஷா ஆகியோரும் நடித்து வருகின்றனர். இந்தப் படத்துக்கு அனிருத் இசையமைத்து வருகிறார். இந்தப் படத்தின் பர்ஸ்ட் லுக் போஸ்டர் மார்ச் மாதம் 5ஆம் தேதி வெளியாகும் என அறிவித்துள்ளனர். மேலும், மார்ச் 8ஆம் தேதி ஒரு பாடலையும் ரிலீஸ் செய்யத் திட்டமிட்டுள்ளனர்.