Arya Sayesha Wedding: திருமண அறிவிப்பு வெளியிட்ட காதல் ஜோடி ஆர்யா – சாயிஷாவுக்கு குவியும் வாழ்த்து!

திருமண அறிவிப்பு வெளியிட்ட காதல ஜோடி ஆர்யா மற்றும் சாயிஷாவுக்கு பலரும் தங்களது வாழ்த்துக்களை தெரிவித்து வருகின்றனர் என்பது குறிப்பிடத்தக்கது.

தமிழ் சினிமாவில் வளர்ந்து வரும் நடிகர்களில் ஒருவராக இருப்பவர் நடிகர் ஆர்யா. வருடத்திற்கு ஓரிரு படங்களில் மட்டும் நடித்து அதனை வெளியிட்டு வருகிறார். இவரது நடிப்பில் வந்த ராஜா ராணி என்ற படம் ரசிகர்களிடையே நல்ல வரவேற்பு பெற்றது. அதன் பிறகு சொல்லிக்கொள்ளும்படி எந்த படமும் அமையவில்லை.

இந்த நிலையில், தான் தனியார் தொலைக்காட்சியில் நடந்த எங்க வீட்டு மாப்பிள்ளை என்ற நிகழ்ச்சியின் மூலம் தற்போது ஆர்யாவின் திருமணம் உறுதியாகியுள்ளது. இதற்கு முன்னதாக ஆர்யாவின் நண்பரும், தயாரிப்பாளர் சங்க தலைவரும், நடிகர் சங்கத்தின் பொருளாளருமான விஷால் தனது திருமணம் குறித்து அதிகாரப்பூர்வமாக அறிவித்தார்.

இந்த நிலையில், கஜினிகாந்த் என்ற படத்தின் மூலம் சினிமாவில் தன்னுடன் ஜோடி சேர்ந்த சாயிஷாவை வாழ்க்கை துணையாக தேர்வு செய்துள்ளதாக தற்போது தகவல் வெளியாகியுள்ளது. மேலும், இப்படத்தின் மூலம் இருவரும் காதலித்து வந்ததாக கூறப்படுகிறது.

இந்த நிலையில், காதலர் தினமாக இன்று நடிகர் ஆர்யா தனது டுவிட்டர் பக்கத்தில் திருமணம் குறித்து முறையான அறிவிப்பு ஒன்றை வெளியிட்டுள்ளார். அதில், வரும் மார்ச் மாதத்தில் சாயிஷாவை திருமணம் செய்து கொள்ளயிருப்பதாக கூறியுள்ளார் என்பது குறிப்பிடத்தக்கது.

இதே போன்று தான் சாயிஷாவும். அவரும் டுவிட்டர் பக்கத்தில் திருமணம் குறித்து அதிகாரப்பூர்வமாக கூறியுள்ளார். இருவரும் மார்ச் மாதத்தில் திருமணம் செய்து கொள்ளயிருப்பதாக குறிப்பிட்டுள்ளனர். ஆனால், திருமணம் தேதியை அறிவிக்கவில்லை. விரைவில் திருமண தேதியை அறிவிப்பார்கள் என்று எதிர்பார்க்கப்படுகிறது.

ஆர்யா மற்றும் சாயிஷாவின் இந்த திருமண அறிவிப்பைத் தொடர்ந்து பலரும் தங்களது வாழ்த்துக்களை தெரிவித்து வருகின்றனர். முதலாவதாக இயக்குனர் அனிருத் மிஸ்டர் ரொமாண்டிக், ஆர்யாவுக்கு வாழ்த்துக்கள். அதோடு, சாயிஷாவுக்கும் எனது வாழ்த்துக்கள் என்று குறிப்பிட்டுள்ளார். நடிகர் ஆர்யா அட்லி இயக்கத்தில் ராஜா ராணி என்ற படத்தில் நடித்துள்ளார் என்பது குறிப்பிடத்தக்கது.

தொடர்ந்து ராதிகாவும் வாழ்த்து கூறியுள்ளார். இருவரும் சிறந்த ஜோடி. உங்களது எனது வாழ்த்துக்கள் என்று குறிப்பிட்டுள்ளார்.

இதற்கிடையில், வரும் மார்ச் மாதம் 10ம் தேதி ஹைதராபாத்தில் வைத்து ஆர்யா – சாயிஷா திருமணம் நடக்கயிருப்பதாக தகவல் வெளியாகியுள்ளது. இஸ்லாமிய முறைப்படி நடைபெறும் இந்தத் திருமணம் மார்ச் 9 மற்றும் 10 ஆகிய தேதிகளில் 2 நாட்கள் நடைபெறும் எனத் தெரிகிறது.

இந்த திருமணத்திற்கு தமிழ் திரையுலகம் திரண்டு வந்து வாழ்த்து கூறும் என்பதால், பிரமாண்டமான திருவிழாவாக நடத்த ஏற்பாடுகள் செய்யப்படும் என்று எதிர்பார்க்கப்படுகிறது.