தலைவர் ஆட்டம் ஆரம்பம், நீ வா தலைவா: ரஜினியை கொண்டாடும் பிரபலங்கள்

ரஜினிகாந்த் அரசியலுக்கு வருவாரா, மாட்டாரா என்று ரசிகர்கள் குழம்பிக் கொண்டிருந்தார்கள். இந்நிலையில் ஜனவரி மாதம் அரசியல் கட்சி துவங்கப் போவதாகவும், டிசம்பர் 31ம் தேதி அறிவிப்பு வெளியாகும் என்றும் ரஜினி இன்று ட்வீட் செய்தார். அந்த ட்வீட்டில் அவர் மேலும் கூறியதாவது,

வரப் போகிற சட்ட மன்றத் தேர்தலில், மக்களுடைய பேராதரவுடன் வெற்றிப் பெற்று, தமிழகத்தில் நேர்மையான, நாணயமான, வெளிப்படையான, ஊழலற்ற, ஜாதி மதச் சார்பற்ற ஆன்மீக அரசியல் உருவாகுவது நிச்சயம். அற்புதம்...அதிசயம்...நிகழும்!!! #மாத்துவோம்_எல்லாத்தையும்_மாத்துவோம்
#இப்போ_இல்லேன்னா_எப்பவும்_இல்ல என்று தெரிவித்தார்.

ரஜினியின் அறிவிப்பை பார்த்து அவரின் ரசிகர்கள் மட்டும் அல்ல திரையுலகை சேர்ந்தவர்களும் மகிழ்ச்சி அடைந்துள்ளனர்.
ரஜினியின் ட்வீட்டை பார்த்த இசையமைப்பாளர் அனிருத், இனி தான் ஆரம்பம்..தலைவர் ஆட்டம் ஆரம்பம் என்று கமெண்ட் போட்டுள்ளார்.

நடிகரும், டான்ஸ் மாஸ்டரும், இயக்குநரும், ரஜினியின் தீவிர ரசிகருமான ராகவா லாரன்ஸ் ட்விட்டரில் கூறியிருப்பதாவது,
ரொம்ப நன்றி தலைவா. இந்த செய்தியை கேட்க மகிழ்ச்சியாக இருக்கிறது. இந்த தருணத்திற்காகத்தான் உங்களின் ரசிகர்களோடு ரசிகனாக நான் காத்திருந்தேன். நீங்கள் நினைத்தது எல்லாம் நடக்க நான் ராகவேந்திரா சாமியிடம் பிரார்த்தனை செய்கிறேன். இந்த கோவிட் பிரச்சனை நேரத்தில் உங்களின் உடல்நலனை கூட பொருட்படுத்தாமல், மக்களுக்காக சேவை செய்ய முடிவு செய்திருக்கிறீர்கள். உங்களின் கனவு நிச்சயம் நினைவாகும் என்று தெரிவித்துள்ளார்.

ரஜினியை வைத்து பேட்ட படத்தை இயக்கிய கார்த்திக் சுப்புராஜோ, வாவ்.. தலைவா வா தலைவா என்று ட்வீட் செய்துள்ளார்.
கஸ்தூரி கூறியிருப்பதாவது,

அருமையான பிரேக்கிங் நியூஸ்...ஜனவரியில் கட்சி துவங்குகிறார் ரஜினி. டிசம்பர் 31ம் தேதி அறிவிப்பு...அவர் அரசியலுக்கு வர விரும்பவில்லை என்று சந்தேகித்தேன். நான் நினைத்தது தவறானதில் இதுவரை இப்படி சந்தோஷப்பட்டதில்லை என்றார்.
வாழ்த்துக்கள் சார்... வெற்றியோ தோல்வியோ.. இறங்கி பார்ககுறது தான் சரி.. நல்ல முடிவு சார்.. என்று திரௌபதி படம் புகழ் இயக்குநர் மோகன் ட்வீட் செய்திருக்கிறார்.
பிரபலங்களும், ரசிகர்களும் வாழ்த்திக் கொண்டிருக்க சமூக வலைதளவாசிகளோ எந்த டிசம்பர், ஜனவரி என்று சொல்லவில்லையே தலைவா என கிண்டல் செய்து கொண்டிருக்கிறார்கள்.

போட்ரா வெடிய, இது தளபதி பொங்கல்: ஜனவரி 13ம் தேதி மாஸ்டர் ரிலீஸ் உறுதி