எம்.ஜி.ஆர் மெய்காப்பாளரின் மனைவி மரணம்

எம்.ஜி.ஆர் மெய்காப்பாளர் கே.பி.ராமகிருஷ்ணன் அவர்களின் மனைவி கார்த்திகாயினி இன்று மரணமடைந்தார்

மறைந்த முன்னாள் முதல்வர் புரட்சித்தலைவர் எம்.ஜி.ஆர் அவர்களிடம் 40 ஆண்டுகளாக மெய்காப்பாளராகவும், நாடோடி மன்னன் படத்திலிருந்து மதுரை மீட்ட சுந்தரபாண்டியன் படம் வரை சண்டை காட்சிகளில் நடித்தது மட்டும் அல்லாது அவர் இரட்டை வேடமிட்டு நடித்த அத்துனை காட்சிகளிலும் மற்றொரு எம்.ஜி.ஆராக நடித்தவர்.

எம்.ஜி.ஆர் ஒரு சகாப்தம், மனித புனிதர் எம்.ஜி.ஆர் போன்ற தலைப்புகளில் ஆனந்த விகடனில் தொடர் எழுதி அதை புத்தகமாக வெளியிட்டவரும், மறைந்த வில்லன் நடிகர் நம்பியார் நடித்த அனைத்து படங்களுக்கும் (நம்பியாரின் மாற்று வேடம்) டூப் வேடமிட்டு நடித்தவருமான கே.பி.ராமகிருஷ்ணன் அவர்களின் மனைவி கார்த்திகாயினி இன்று மரணமடைந்தார். இறுதி சடங்கு இன்று மாலை 4 மணிக்கு நடைபெறுகிறது.