ஃபாரஸ்ட் கம்ப்
இந்தியில் ஆமீர்கான், கரீனா கபூர் நடித்துள்ள படம் ‛லால் சிங் சத்தா'. ஹாலிவுட்டில் வெளியான ஃபாரஸ்ட் கம்ப் படத்தின் இந்திய ரீமேக் தான் லால் சிங் சத்தா. ஃபாரஸ்ட் கம்ப் திரைப்படம் 13 ஆஸ்கர் விருதுகளுக்கு பரிந்துரைக்கப்பட்டு 6 விருதுகளை அள்ளியது.
இந்தியில் ரீமேக்
இந்தப் படம் இந்தியில் ரீமேக் செய்யப்படுவதாக அறிவிக்கப்பட்ட போதே எதிர்பார்ப்பு எகிறியது. நடிகர் ஆமீர் கான் தனது தயாரிப்பு நிறுவனத்தின் மூலம் இந்த படத்தை தயாரித்துள்ளார். இந்தி மட்டுமின்றி தமிழ் உட்பட மற்ற மொழிகளிலும் இப்படம் இன்று ரிலீஸ் ஆகியுள்ளது.
நெகட்டிவ் கமெண்ட்ஸ்
ஆனால் படத்திற்கு எதிர்பார்த்த அளவுக்கு வரவேற்பு கிடைக்கவில்லை. படத்தின் ஸ்பெஷல் காட்சிகளை பார்த்த பிரபலங்கள் படம் கண்ணீரை வரவழைக்கிறது என ரிவ்வியூ கொடுத்த நிலையில் சமூக வலைதளங்களில் படம் குறித்த நெகட்டிவ் கமெண்டுகள் அதிகம் பகீரப்பட்டு வருகின்றன.
பெரிய ஃபிளாப்
ஃபாரஸ்ட் கம்ப் படத்தின் ரீமேக் என்று கூறிவிட்டு, அந்த படத்தை நெருங்கக்கூடவில்லை என கமெண்டுகளை வாரியிறைத்து வருகின்றனர். லால் சிங் சத்தா திரைப்படம் ஆமீர் கானின் கெரியரில் மிகப்பெரிய ஃபிளாப்பாக இருக்கும் என்றும் சமூக வலைதளங்களில் கருத்துகள் பகீரப்பட்டு வருகின்றன.
இந்துகளுக்கு எதிராக
மேலும் படத்தில் ராணுவ வீரரான ஆமீர் கான் பாகிஸ்தானிய வீரர்களை நல்லவர்களாகவும் தனது சொந்த சகாக்களை கொடுமைப்படுத்துபவர்களாகவும் காட்டியுள்ளார். இந்துக்கள் மீதான வெறுப்பை தனது படங்களில் தொடர்ந்து காட்டி வருகிறார் என்றும் நெட்டிசன்கள் கமெண்ட் பதிவிட்டு வருகின்றனர்.
ஹேஷ்டேக்ஸ்
இதனிடையே #Flop #BoycottLaalSinghChaddha ஆகிய ஹேஷ்டேக்குகளும் சமூக வலைதளங்களில் ட்ரெண்ட் செய்யப்பட்டு வருகின்றன. மேலும் ஆமீர் கானை கடுமையாக விமர்சித்து ஏராளமான கார்ட்டூன்கள் மற்றும் மீம்ஸ்களையும் நெட்டிசன்கள் ஷேர் செய்து வருகின்றனர்.