கல்யாணம் பண்ணிட்டு சினிமாவை விட்டு போய்டுங்க.. ரசிகருக்கு லக்ஷ்மி மேனன் கோபமான பதிலடி

மிக இளம் வயதிலேயே தமிழ் சினிமாவில் ஹீரோயினாக நடித்து அதிக அளவு ரசிகர்களை தன் பக்கம் ஈர்த்தவர் லட்சுமி மேனன். இவர் பள்ளி படிக்கும் காலத்திலேயே நடிக்க வந்து விட்டார். தமிழ் சினிமாவில் பல முன்னணி நடிகர்களுடன் நடித்த அவர் கடைசியாக விஜய் சேதுபதியின் றெக்க படத்தில் ஹீரோயினாக நடித்திருந்தார். அதற்குப் பிறகு சினிமாவிலிருந்து பிரேக் எடுத்துக் கொண்ட அவர் கல்லூரி படிப்பில் கவனம் செலுத்தினார்.

தற்போது கல்லூரி படிப்பை முடித்திருக்கும் லக்ஷ்மி மேனன் மீண்டும் சினிமாவில் நடிகையாக களமிறங்க காத்திருக்கிறார் தன்னுடைய உடல் எடையை குறைத்து மிக ஸ்லிம்மக மாறி இருக்கும் புகைப்படங்கள் சமீப வாரங்களாக அவர் வெளியிட்டு வருகிறார். அவை அதிக அளவு இணையத்தில் வைரலாகி கொண்டிருக்கின்றன.

அது மட்டும் இன்றி குச்சிபுடி நடனம் பயின்று வரும் லக்ஷ்மி மேனன் அதன் வீடியோக்களையும் இன்ஸ்டாகிராமில் அதிக அளவு பதிவேற்றி வருகிறார். சமூக வலைதளங்களில் அவர் அதிகமாக தற்போது ஆக்டிவாக இருக்கிறார் என்பதால் அவரை அதிக ரசிகர்கள் பின் தொடர்ந்து வருகிறார்கள்.

இந்நிலையில் இன்ஸ்டாகிராமில் ரசிகர் ஒருவர் தனக்கு அனுப்பிய மெசேஜை குறிப்பிட்டு கோபமாக பேசியிருக்கிறார் லக்ஷ்மி மேனன். அவர் வெளியிட்ட ஒரு புகைப்படத்தை பார்த்து அந்த நபர் "அழகாக இருக்கிறீர்கள் யாரையாவது திருமணம் செய்து கொண்டு தயவு செய்து அழகான வாழ்க்கை வாழுங்கள். தயவு செய்து சினிமாவை விட்டு சென்று விடுங்கள். நீங்கள் ஒரு ஏஞ்சல், அது போலவே வாழுங்கள்" எனக் கூறி இருக்கிறார்.

அந்த நபருக்கு பதிலடி கொடுத்து இருக்கும் லட்சுமி மேனன், "இப்படி ஒரு அன்பான, பாசமான, என்னுடைய நலம் விரும்பி என்ன நினைக்கிறார் என்றால், என்னைப் போன்ற ஒரு ஏஞ்சல் யாரையாவது திருமணம் செய்துகொண்டு அமைதியாக இருக்க வேண்டும் என்று. மிகவும் மோசமான நினைப்பு இது. வளருங்கள்" எனக் கூறியிருக்கிறார்.


லக்ஷ்மி மேனன் இப்படி கோபப்பட்டு பேசி இருப்பது அனைவருக்கும் ஆச்சர்யத்தை அளித்துள்ளது