Legend Saravanan: உச்ச நட்சத்திரங்களுக்கே டஃப் கொடுக்கும் லெஜண்ட் சரவணன்: மாஸ் காட்டுறாரே.!

சரவணா ஸ்டோர்ஸ் விளம்பரங்களில் பிரபல நடிகைகளுடன் ஆட்டம் போட்டு இளைஞர்களை கடுப்புக்கு உள்ளாக்கியவர் சரவணன் அண்ணாச்சி. ஆனால் அவர் விளம்பர படங்களில் நடித்ததே திரைப்படங்களில் நடிப்பதற்கான முன்னோட்டம் தான் என்பது அப்போது அவர்களுக்கு தெரியவில்லை. விளம்பர படங்களில் நடித்து வந்த லெஜண்ட் அண்ணாச்சி முதன்முறையாக திரைத்துறையில் தடம் பதித்தார்.

தனது முதல் படமே பிரம்மாண்டமாக வெளியாகும் என விரும்பினார் லெஜண்ட் அண்ணாச்சி. அதன்படி தனது முதல் படமான தி லெஜண்டை தமிழ், மலையாளம், கன்னடம் மற்றும் தெலுங்கு மொழிகளில் பிரம்மாண்டமாக உருவாக்கினார். தமிழ் சினிமாவில் விசில் உள்ளிட்ட ஹிட் படங்களை கொடுத்த ஜேடி - ஜெர்ரி இந்தப்படத்தை இயக்கினார்கள்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

கடந்த வருடம் ஜுலை 2 ஆம் தேதி வெளியான 'தி லெஜண்ட்' படத்திற்கு ஹாரிஸ் ஜெயராஜ் இசையமைத்திருந்தார்.தமிழ் சினிமாவில் உச்ச நட்சத்திரங்களின் படங்களை வினியோகம் செய்யும் கோபுரம் சினிமாஸின் அன்பு செழியன் 'தி லெஜண்ட்' படத்தை ரிலீஸ் செய்தார். இந்தப்படம் சுமார் 800 க்கும் அதிகமான திரையரங்குகளில் ரிலீஸ் செய்யப்பட்டது.

சரவணா அண்ணாச்சியுடன் மறைந்த சின்ன கலைவாணர் விவேக். ஊர்வாசி ரவித்தலா உள்ளிட்டோர் 'தி லெஜண்ட்' படத்தில் நடித்தனர். ரிலீசான முதல் நாளே இந்தப்படத்தை பலரும் ட்ரோல் செய்தனர். பிரம்மாண்ட பட்ஜெட்டில் டிவி விளம்பரம் போல் படம் இருப்பதாக நெட்டிசன்கள் இணையத்தில் கழுவி ஊற்றினார்கள். மேலும் இந்தப்படத்தை வைத்து ஏகப்பட்ட மீம்ஸ்களும் இணையத்தில் வைரலானது.

Maaveeran: ரிலீசுக்கு முன்பே சம்பவம் செய்த 'மாவீரன்': கெத்து காட்டும் எஸ்கே.!

இதனையடுத்து சரவணன் அண்ணாச்சி தனது அடுத்த படத்திற்காக கதைகளை கேட்டு வந்தார். இந்நிலையில் இதுவரை கிளீன் ஷேவ் லுக்கில் இருந்த அண்ணாச்சி தற்போது கொஞ்சம் தாடி மீசையில் இருக்கும் லேட்டஸ்ட் புகைப்படங்கள் இணையத்தில் வைரலாகி வருகிறது. லெஜண்ட் சரவணனின் அடுத்த படத்திற்கான லுக்காக இது இருக்கலாம் என கூறப்படுகிறது.


மேலும் அல்லு அர்ஜுனின் போட்டோ ஷுட் புகைப்படங்களை போன்று இருப்பதாகவும் உச்ச நட்சத்திரங்களே டஃப் கொடுக்கும் வகையில் லெஜண்ட் சரவணன் இருப்பதாகவும் ரசிகர்கள் கமெண்ட் அடித்து வருகின்றனர். இதனிடையில் அண்மையில் ஓடிடி வெளியீடாக ரிலீசான 'தி லெஜண்ட்' படம் டிஸ்னி பிளஸ் ஹாட்ஸ்டார் ஓடிடி தளத்தில் டிரெண்டிங்கில் இருப்பது குறிப்பிடத்தக்கது.

Leo: இன்னும் எத்தனை வில்லன் தான்பா இருக்கீங்க.?: 'லியோ' படக்குழுவின் அடுத்த சம்பவம்.!