Leo: லெஜண்ட் வெளியிட போகும் முக்கியமான அறிவிப்பு: ஒருவேளை அதுவா இருக்குமோ.?

கடந்த வருடம் லெஜண்ட் சரவணன் ஹீரோவாக நடித்த படம் வெளியானது. இதனையடுத்து தனது அடுத்த படத்திற்கான கதைகளை கேட்டு வருவதாக சரவணன் தெரிவித்து வருகிறார். இந்நிலையில் தற்போது காஷ்மீரில் இருக்கும் சரவணன் அண்ணாச்சி ரசிகர்களுக்கு செம்ம அப்டேட் ஒன்று இருப்பதாக தெரிவித்துள்ளார்.

லெஜண்ட் முதன்முறையாக ஹீரோவாக நடித்து தயரித்து வெளியான படம் 'லெஜண்ட் சரவணன்'. தான் ஹீரோவாக அறிமுகமான முதல் படத்தையே தமிழ், தெலுங்கு, ஹிந்தி, மலையாளம் மற்றும் கன்னட மொழிகளில் மிகப்பிரம்மாண்டமாக உருவாக்கினார். ஜேடி - ஜெர்ரி இயக்கிய இந்தப்படத்திற்கு ஹாரிஸ் ஜெயராஜ் இசையமைத்தார்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

கடந்த வருடம் ஜுலை 2 ஆம் தேதி ரிலீசான இந்தப்படத்தை முன்னணி நடிகர்களின் படங்களை வினியோகம் செய்த அன்பு செழியனின் கோபுரம் சினிமாஸ் 'தி லெஜண்ட்' படத்தை வெளியிட்டது. தமிழ்நாடு முழுவதும் 800 க்கும் அதிகமான திரையரங்குகளில் இந்தப்படம் வெளியானது. ஆல்பம் பாடல்கள் மூலம் பிரபலமான ஊர்வசி ரவுத்தலா இந்தப்படத்தில் நாயகியாக நடித்திருந்தார்.

கடந்த வருடம் வெளியான இந்தப்படம் ஏகப்பட்ட நெகட்டிவ் விமர்சனங்களை குவித்தது. படத்தை பார்த்த பலரும் கழுவி ஊற்றினார்கள். இதனைப்பற்றி எல்லாம் கவலைப்படாமல் தனது அடுத்த படத்திற்கான வேளைகளில் மும்முரமாக இறங்கினார் லெஜண்ட். இதற்காக கதைகளை கேட்டு வருவதாகவும் தெரிவித்து வந்தார். இந்நிலையில் தற்போது சரவணன் தனது ட்விட்டர் பக்கத்தில் பகிர்ந்துள்ள பதிவு இணையத்தில் வைரலாகி வருகிறது.

Mayilsamy: மயில்சாமியின் கடைசி நிமிடங்கள்.. நடந்தது என்ன.?: மகன்கள் கூறிய தகவல்கள்..!

லெஜண்ட் சரவணன் தற்போது காஷ்மீரில் இருக்கும் புகைப்படங்களை பகிர்ந்துள்ளார். மேலும், நீங்கள் காத்திருக்கும் நேரம் நெருங்கி விட்டது. முக்கியமான அப்டேட்டுகள் இன்னும் சில தினங்களில் வெளியாகும் என்று பதிவிட்டுள்ளார். அவர் ஏற்கனவே காஷ்மீரில் இருக்கும் புகைப்படங்களை பகிர்ந்த போது, ஒருவேளை லெஜண்ட் சரவணன் லியோவில் நடிக்கிறாரோ என்ற கேள்வி ரசிகர்கள் மத்தியில் எழுந்தது.

Pathu Thala: என்ன ரத்தங்களா ரெடியா..?: வெறித்தனமான சம்பவத்திற்கு தயாராகும் சிம்பு.!

லோகேஷ் கனகராஜ் இயக்கத்தில் விஜய் நடிக்கும் 'லியோ' படப்பிடிப்பு காஷ்மீரில் நடந்து வருகிறது. 'வாரிசு' படத்திற்கு பிறகு விஜய் நடிக்கும் படமாக இது உருவாகி வருகிறது. மேலும் மாஸ்டர் படத்திற்கு பிறகு இரண்டாவது முறையாக விஜய், லோகேஷ் கூட்டணி இதில் இணைந்துள்ளனர். இந்நிலையில் லெஜண்ட் சரவணன் தற்போது பகிர்ந்துள்ள ட்வீட் 'லியோ' படத்தில் இணைந்துள்ளது தொடர்பான அறிவிப்பாக இருக்குமோ என்ற எதிர்பார்ப்பு ரசிகர்கள் மத்தியில் எழுந்துள்ளது.