பிரபல பாடகர், பாடலாசிரியர் லியோனார்ட் கோயன் மரணம்

உலகின் மிக பிரபலமான பாடகர் மற்றும் பாடலாசிரிரான கனடாவைச் சேர்ந்த லியோனார்ட் கோயன்(82) மரணமடைந்தார்.

லியோனார்ட் கோயன் மரணம் குறித்த தகவல் அவரது அதிகாரப்பூர்வ ஃபேஸ்புக் பக்கத்தில் உறுதிப்படுத்தப்பட்டது. இவரது இறுதிச் சடங்கு லாஸ் ஏஞ்சல்சில் நடைபெறும் என தெரிவிக்கப்பட்டுள்ளது.

1960-களில் இருந்து கோயன் இசை உலகில் தவிர்க்க முடியாத ஆளுமைகளில் ஒருவராக திகழ்ந்து வந்தார். கோயனின் 'ஹல்லேலுஜா' பாடல் உலகளவில் பலரை கவர்ந்து, இன்றளவிலும் பலரது விருப்பமான பாடலாக உள்ளது.

சமீபத்தில் நியூ யார்க்கருக்கு அளித்த பேட்டி ஒன்றில்,'மரணத்திற்கு தான் தயாராக இருப்பதாக கோயன் கூறியுள்ளார். இவரது கிட்டார் பேட்டர்ன்களும், சோகம், காதல், வெறுப்பு, பக்தி என அனைத்து விதமான பாடல்களும் ஏராளமான ரசிகர்களை வென்றது. இந்த ஆண்டு அக்.21ஆம் தேதி வெளியான 'யூ வான்ட் இட் டார்கர்' எனும் ஆல்பம் தான் லியோனார்ட் கொயனின் இறுதி ஆல்பமாகும்.