Leo, Trisha: லியோவில் இருந்து த்ரிஷா விலகிட்டாரா?: உண்மையை சொன்ன அம்மா உமா

லோகேஷ் கனகராஜ் இயக்கத்தில் விஜய் நடித்து வரும் லியோ படத்தின் ஷூட்டிங் காஷ்மீரில் நடந்து வருகிறது. லியோ படத்தின் நாயகி த்ரிஷா என்று அறிவிப்பு வெளியிட்டார்கள். காஷ்மீரில் நடக்கும் படப்பிடிப்பில் த்ரிஷா கலந்து கொண்டிருக்கிறார். இந்நிலையில் படப்பிடிப்பு தளத்தில் பிரச்சனை ஏற்பட்டு த்ரிஷா சென்னைக்கு கிளம்பி வந்துவிட்டார் என தகவல் வெளியானது. அது குறித்து த்ரிஷாவின் அம்மா உமா விளக்கம் அளித்திருக்கிறார்.

​Leo, Trisha: லியோ படத்தில் இருந்து விலகுகிறாரா த்ரிஷா?: பரபரக்கும் சோஷியல் மீடியா

த்ரிஷா சென்னை விமான நிலையத்தில் இருக்கும் புகைப்படத்தால் அவர் லியோவில் இருந்து விலகிவிட்டதாக பேச்சு கிளம்பியது. இதையடுத்து காஷ்மீரில் கடும் குளிராக இருப்பதால் த்ரிஷாவுக்கு உடல்நலம் பாதிக்கப்பட்டுள்ளது. அதனால் சென்னைக்கு கிளம்பி வந்துவிட்டார் என்றும் செய்திகள் வெளியாகின.

லியோ படம் பற்றி த்ரிஷாவின் அம்மா உமா கூறியதாவது, லியோவில் இருந்து த்ரிஷா விலகியதாக வெளியான தகவலில் உண்மை இல்லை. அது வெறும் வதந்தி தான். குளிர் தாங்க முடியாமல் என் மகள் சென்னை திரும்பவில்லை. அவர் காஷ்மீரில் தான் இருக்கிறார். படப்பிடிப்பில் கலந்து கொண்டு நடித்து வருகிறார் என்றார்.

உமா விளக்கம் அளித்த பிறகே லியோ படத்தில் இருந்து த்ரிஷா கிளம்பிவிட்டார் என்கிற பேச்சு அடங்கியிருக்கிறது. 14 ஆண்டுகள் கழித்து விஜய்யுடன் சேர்ந்து நடித்து வருகிறார் த்ரிஷா. எங்கே அந்த ஜோடியை மீண்டும் சேர்த்து திரையில் பார்க்க முடியாமல் போய்விடுமோ என ரசிகர்கள் பயந்துவிட்டார்கள். இந்த நேரத்தில் தான் த்ரிஷாவின் அம்மா விளக்கம் அளித்து ரசிகர்களை நிம்மதி அடைய வைத்திருக்கிறார்.

லியோ படத்தின் கதை லோகேஷ் கனகராஜின் எல்.சி.யூ. தான் என கூறப்படுகிறது. படத்தில் பாலிவுட் நடிகர் சஞ்சய் தத், ப்ரியா ஆனந்த், ஆக்ஷன் கிங் அர்ஜுன், மிஷ்கின், கவுதம் மேனன், மன்சூர் அலி கான் உள்ளிட்டோர் நடிக்கிறார்கள். முன்னதாக நடந்த பூஜையின்போது எடுக்கப்பட்ட புகைப்படங்கள், வீடியோவில் விஜய்யின் எளிமையை பார்த்து ரசிகர்கள் மீண்டும் இம்பிரஸ் ஆகிவிட்டார்கள்.

லியோ படத்தை தன் செவன் ஸ்கிரீன் ஸ்டுடியோஸ் மூலம் தயாரிக்கிறார் லலித் குமார். பெரும் பொருட்செலவில் எடுக்கப்படும் அந்த படத்திற்கு அனிருத் இசையமைக்கிறார். விஜய்யும், த்ரிஷாவும் சேர்ந்து டான்ஸ் ஆடும் பாடலை பார்க்கவே ரசிகர்கள் காத்துக் கொண்டிருக்கிறார்கள். ஆனால் லோகேஷ் கனகராஜ் படத்தில் டூயட் இருக்குமா என்பதே அவர்களின் சந்தேகம்.