Thalapathy 67: 'விக்ரம்' பட பாணியில் தளபதிக்காக லோகேஷ் செய்யப்போகும் சம்பவம்: வேறலேவல் அப்டேட்.!

லோகேஷ், விஜய் இணையும் படத்தின் அறிவிப்பிற்காக வெறித்தனமாக காத்திருக்கின்றனர் ரசிகர்கள். தமிழ் சினிமாவில் தொடர் வெற்றி படங்களை கொடுத்த லோகேஷ், கமலின் 'விக்ரம்' படத்தினை தொடர்ந்து விஜய் நடிப்பில் புதிய படம் ஒன்றை இயக்கவுள்ளார். தமிழ், தெலுங்கு மொழியில் உருவாகும் ‘வாரிசு’ படத்தினை தொடர்ந்து லோகேஷ் இயக்கத்தில் ‘தளபதி 67’ ல் நடிக்கவுள்ளார் விஜய்.

மாநகரம், கைதி, மாஸ்டர் படங்களின் வெற்றியை தொடர்ந்து 'விக்ரம்' படத்தை இயக்கினார் லோகேஷ் கனகராஜ். நான்கு வருடங்களுக்கு பிறகு வெளியாகும் கமல் படம் என்பதால் விக்ரமிற்காக ரசிகர்கள் வெறித்தனமான எதிர்பார்ப்பில் இருந்தனர். இந்தப்படத்தை ராஜ்கமல் ஃபிலிம்ஸ் இண்டர்நேஷனல் நிறுவனம் தயாரித்தது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

'விக்ரம்' படத்தினை தொடர்ந்து மீண்டும் விஜய்யை இயக்கவுள்ளார் லோகேஷ் கனகராஜ். மாஸ்டர் படத்தின் வெற்றிக்கு பிறகு 'தளபதி 67' ல் இந்த கூட்டணி மீண்டும் இணைந்துள்ளது. 'மாஸ்டர்' படத்தில் விமர்சனரீதியாக எழுந்த சர்ச்சைகளை சரிகட்ட போவதாகவும், இந்தப்படம் ழுழுக்க தன்னுடைய பாணியில் இருக்க போவதாகவும் லோகேஷ் பேட்டிகளில் கூறி வருகிறார்.

Thunivu: 'துணிவு' படம் குறித்து போனி கபூர் சொன்ன மாஸ் தகவல்: ஏகேவோட சம்பவம் கன்பார்ம்.!

இந்நிலையில் டிசம்பர் 5 ஆம் தேதி ’தளபதி 67’ படத்தின் பூஜை நடைபெற இருப்பதாகவும், அதற்கு பின் இரண்டு நாட்கள் கழித்து இந்தப்படத்தின் முன்னோட்ட வீடியோவை வெளியிட திட்டமிட்டிருப்பதாகவும் கூறப்படுகிறது. இதே போல் கமலின் 'விக்ரம்' படத்தின் படப்பிடிப்பு துவங்கும் முன்பே அறிமுக வீடியோ வெளியாகி ரசிகர்கள் மத்தியில் மிகப்பெரிய எதிர்பார்ப்பினை கிளப்பியது.

Naai Sekar Returns Trialer: தலைவர் இஸ் பேக்: ரீ எண்ட்ரியில் அதகளம் செய்துள்ள வடிவேல்..!

அதே பாணியில் தற்போது 'தளபதி 67' படத்திற்காக லோகேஷ் வீடியோ ஒன்றை வெளியிட திட்டமிட்டுள்ளதாக தகவல்கள் வெளியாகியுள்ளது. இந்த செய்தி ரசிகர்கள் மத்தியில் உற்சாகத்தை ஏற்படுத்தியுள்ளது. இதனிடையில் விஜய் நடிப்பில் உருவாகி வரும் 'வாரிசு' படம் அடுத்தாண்டு பொங்கலுக்கு வெளியாகவுள்ளது குறிப்பிடத்தக்கது.