Suriya: சூர்யா பட அப்டேட்டை வாரி வழங்கிய லோகேஷ்: இது நம்ம லிஸ்ட்லயே இல்லயே.!

லோகேஷ் கனகராஜ் இயக்கத்தில் அண்மையில் வெளியான 'விக்ரம்' படம் பாக்ஸ் ஆபிஸில் மிகப்பெரிய வசூல் சாதனையை நிகழ்த்தியது. மாநகரம் படத்தின் மூலம் தமிழ் சினிமாவில் அறிமுகமான லோகேஷ் கைதி, மாஸ்டர் என அடுத்தடுத்து ஹிட் படங்களை கொடுத்து கோலிவுட் சினிமாவில் முன்னணி இயக்குனர்களின் பட்டியலில் இடம்பெற்றார்.

இதனையடுத்து கடந்த மே மாதம் வெளியான 'விக்ரம்' படம் மிகப்பெரிய அளவில் ஹிட்டடித்தது. கமல், விஜய் சேதுபதி, பகத் பாசில் என மிகப்பெரிய நட்சத்திர பட்டாளங்களின் நடிப்பில் வெளியான இந்தப்படம் வசூலில் மிகப்பெரிய சாதனை படைத்தது. இதனால் லோகேஷின் அடுத்தடுத்த படங்கள் மீது ரசிகர்கள் ஆர்வம் செலுத்தி வருகின்றனர்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

இந்நிலையில் 'விக்ரம்' படத்தினை தொடர்ந்து லோகேஷ் இரண்டாவது முறையாக விஜய்யை வைத்து படம் இயக்கவுள்ளார். மாஸ்டர் வெற்றிக்கு பிறகு 'தளபதி 67' படத்தின் மூலம் இந்த கூட்டணி மீண்டும் இணைந்துள்ளது. இந்தப்படம் குறித்த அறிவிப்பிற்காக ரசிகர்கள் ஆர்வமுடன் காத்து வருகின்றனர்.

இதனையடுத்து கைதி 2, விக்ரம் 2 என அடுத்தடுத்த படங்களை தன் கையில் வைத்துள்ள லோகேஷ், ஏற்கனவே சூர்யாவுடன் ஒரு படத்தை ஓகே செய்து வைத்துள்ளார். இந்தப்படத்திற்கு 'இருப்பு கை மாயாவி' என டைட்டில் வைக்கப்பட்டு அறிவிப்பு எல்லாம் வெளியாகி எதிர்பார்ப்பினை கிளப்பியிருந்தது. ஆனால் அதன்பின்னர் இந்தப்படம் குறித்து எந்த தகவலும் வெளியாகவில்லை.

S. A. Chandrasekhar: விஜயகாந்தை கட்டிப்புடிச்சு அழுத அப்பா எஸ்.ஏ.சி: என்ன காரணம் தெரியுமா.?

இந்நிலையில் சூர்யாவுடனான கூட்டணி குறித்து பேசியிருந்த லோகேஷ் கனகராஜ், ப்ரீ புரொடக்‌ஷன் பணிகள் 8 மாதங்களாக விறுவிறுப்பாக நடந்து வருகிறது. சூர்யாவும் இந்த திட்டத்தில் ஆர்வமாக இருப்பதால், அடிக்கடி படம் குறித்து கேட்டு வருவதாகவும் கூறியுள்ளார். இதனால் விரைவில் இந்தப்படம் குறித்த தகவல் வெளியாகலாம் என எதிர்பார்க்கப்படுகிறது.