Gun வேணும்னு கேட்டியாமே.. லோகேஷ் கனகராஜின் கமல்232 மோஷன் போஸ்ட்டரை பாத்தீங்களா

இயக்குனர் லோகேஷ் கனகராஜ் கமல்ஹாசன் 232 படம் பற்றிய அதிகாரப்பூர்வ அறிவிப்பை சென்ற வாரம் வெளியிட்டு தமிழ் சினிமா ரசிகர்களை பிரமிப்பில் ஆழ்த்தினார். மாஸ்டர் படத்திற்கு பிறகு அவர் சூப்பர் ஸ்டார் ரஜினிகாந்த் உடன் தான் கூட்டணி சேர்வார் என கூறப்பட்டு வந்தது. ஆனால் அவர் அண்ணாத்த படத்தில் பிஸியாக இருப்பதால் அடுத்து கமல்ஹாசனுடன் லோகேஷ் தற்போது கூட்டணி சேர்ந்திருக்கிறார். செப்டம்பர் 16ஆம் தேதி அதிகாரப்பூர்வ அறிவிப்பு வெளிவந்த நிலையில் ஷூட்டிங் அடுத்த வருட துவக்கத்தில் ஆரம்பிக்கும் என எதிர்பார்க்கப்படுகிறது.

பர்ஸ்ட் லுக் போஸ்டரை வெளியிட்டு தான் லோகேஷ் கனகராஜ் கமல் 232 படம் பற்றிய அறிவிப்பை வெளியிட்டு இருந்தார். அதில் கமல்ஹாசனின் முகம் முழுக்க துப்பாக்கிகளால் உருவாக்கப்பட்டு இருந்தது. அதனால் இந்த படம் கேங்ஸ்டர் படமாக இருக்க வாய்ப்பு உள்ளது என எதிர்பார்ப்பு எழுந்துள்ளது. இந்நிலையில் இந்த போஸ்டரை போல தற்போது ரசிகர்கள் சிலர் மோஷன் போஸ்டரை உருவாக்கியிருக்கிறார்கள். அதனை லோகேஷ் செல்வராஜ் பார்த்து வியந்திருக்கிறார். தன்னுடைய ட்விட்டர் பக்கத்தில் அந்த வீடியோவை இவர் தற்போது ஷேர் செய்து இருக்கிறார்.

இதற்காக ரசிகருக்கு நன்றி கூறி இருக்கும் லொகேஷ் இதை மகிழ்ச்சியுடன் ஷேர் செய்வதாக குறிப்பிட்டிருக்கிறார். அது மட்டுமின்றி கமல் 232 படம் அடுத்த வருடம் கோடை விடுமுறைக்கு வரும் என்பதை "சம்மர்ல வரோம் சம்பவம் பண்றோம்" எனக் குறிப்பிட்டிருக்கிறார்.


இதற்கு முன்பு எவனென்று நினைத்தாய் என்பது தான் இந்த படத்தின் டைட்டில் என தகவல் பரவிய நிலையில் லோகேஷ் கனகராஜ் அதை ட்விட்டரில் குறிப்பிட்டிருந்தார். ஆனால் அது தான் தலைப்பு என அவர் குறிப்பிடவில்லை. மேலும் "Gun வேணும்னு கேட்டுயாமே" என்ற ஒரு வசனத்தையும் அவர் ட்வீட்டில் குறிப்பிட்டிருக்கிறார். அதனால் படத்தில் அது முக்கிய ஒன்றாக இருக்கும் என எதிர்பார்க்கப்படுகிறது.

இந்த படம் முழுக்க முழுக்க அரசியல் படமாக இருக்கும் என கூறப்பட்டு வந்தது, ஆனால் லோகேஷ் கனகராஜ் பதிவிட்டு இருக்கும் வசனத்தை பார்த்தால் இது நிச்சயம் கேங்ஸ்டர் படமாகத் தான் இருக்கும் என தெரிகிறது.

அனிருத் இந்த படத்திற்கு இசை அமைக்க உள்ளார். இதற்கு முன்பு அவர் கமல்ஹாசனுடன் இந்தியன் 2 படத்தில் இணைந்து இருப்பது குறிப்பிடத்தக்கது. தற்போது இரண்டாவது முறையாக இந்த படத்தில் அவர் இணைந்திருக்கிறார். ஆனால் இந்தியன் 2 படத்திற்கு முன்பே இந்த படம் வெளிவரும் என தெரிவதால் அனிருத்-கமல் கூட்டணியில் முதலில் இந்த படத்தின் பாடல்கள் தான் வெளிவர வாய்ப்பிருக்கிறது.

டெக்னீஷியன்கள் மற்றும் நடிகர் நடிகைகள் பற்றிய விவரம் எதுவும் அறிவிக்கப்படாமல் இருக்கிறது. அனைத்தும் உறுதியான பிறகு தான் அது வெளியிடப்படும் என தெரிகிறது. ஷூட்டிங் துவங்கப்படுவதற்கு முன்பு அது வெளியிடப்படலாம் என தெரிகிறது. மேலும் விஜய் சேதுபதி இந்த படத்தில் நடிக்கிறார் என சில தினங்களுக்கு முன்பு செய்தி பரவியது. ஆனால் கமல் தவிர படத்தில் நடிப்பவர்கள் யாரும் தற்போது வரை ஒப்பந்தம் செய்யப்படவில்லை என படக்க்குழு தெரிவித்து இருந்தது.