உடல் எடையை குறைப்பது ஈஸி! ஆனால்.. பிக் பாஸ் ஷெரினின் ஆதங்கம்

தனுஷின் துள்ளுவதோ இளமை படம் மூலமாக தமிழ் சினிமாவில் காலடி எடுத்து வைத்தவர் ஷெரின். 2002ல் இந்த படம் வெளிவந்த நிலையில் அதற்கு பிறகு ஒரு சில வருடங்கள் பல தமிழ் படங்களில் அவர் நடித்தார். அவருக்கு ஏராளமான ரசிகர்களும் கிடைத்தார்கள். அதன் பிறகு படிப் படியாக வாய்ப்பு குறையவே சினிமாவில் இருந்து ஒதுங்கினார் அவர். அதற்குப் பிறகு பல வருடங்கள் கழித்து 2015ல் நண்பேன்டா படத்தில் சந்தானத்திற்கு ஜோடியாக நடித்திருந்தார். இந்தப் படத்தில் உதயநிதி ஸ்டாலின் ஹீரோவாக நடித்திருந்தார்.

அந்தப் படத்திற்குப் பிறகு வேறு புது படங்கள் எதிலும் ஒப்பந்தமாகாமல் இருந்த ஷெரின் சென்ற வருடம் பிக் பாஸ் நிகழ்ச்சியில் போட்டியாளராக கலந்து கொண்டார். அந்த நிகழ்ச்சியில் ஷெரினின் கேரக்டரை பார்த்து ரசிகர்கள் அவருக்கு அதிக ஆதரவு தெரிவித்தனர்.

அந்த டிவி ரியாலிட்டி ஷோவின் போட்டியாளராக ஷெரின் பிக் பாஸ் வீட்டுக்குள் வந்த பொழுது அவர் குண்டாக இருப்பதாக கூறி பலரும் விமர்சித்தனர். அவரது புகைப்படங்களை சமூக வலைதளங்களில் மீம்களாகவும் பலர் பதிவிட்டது நாம் பார்த்தோம். அதன் பிறகு பிக்பாஸ் வீட்டில் இறுதி வரை 100 நாட்களுக்கும் மேலாக இருந்தார். அந்த நிகழ்ச்சியில் உள்ள கட்டுப்பாடுகள் காரணமாக அவர் உடல் எடையை அதிகம் குறைத்தார். அது ரசிகர்கள் பலருக்கும் ஆச்சர்யத்தை ஏற்படுத்தியது. வரும் போது குண்டாக இருந்த ஷெரினா இப்படி மாறி விட்டார் என பலரும் ஆச்சர்யப்பட்டனர்.


இந்நிலையில் உடல் எடையை குறைப்பது பற்றி ஷெரின் இன்ஸ்டாகிராமில் பதிவிட்டுள்ளார். அதில் அவர் கூறியிருப்பதாவது...

"ஒரு வருடம் மற்றும் எடையில் 10 கிலோ மாற்றம். நான் அப்போது அப்படி இருந்த போதும் மகிழ்ச்சியாக தான் இருந்தேன். தற்போது நான் எப்படி இருக்கிறேன் என்பதை பார்த்து மகிழ்ச்சியாகத்தான் இருக்கிறேன். எடையை குறைப்பது மிக சுலபம், ஆனால் புண்படுத்தும் வகையில் கூறிய மோசமான வார்த்தைகளை உங்களால் திரும்ப பெற முடியாது. ஒருவர் சிரிப்பதற்கும் அல்லது யாரோ ஒருவர் அழுவதற்கும் நீங்கள் காரணமாக இருக்கலாம். அதனால் நல்ல விஷயத்தை தேர்ந்தெடுங்கள்" என ஷெரின் கூறி உள்ளார்.


பிக் பாஸ் 3 டைட்டில் ஷெரின் வெல்வார் என அவரது ரசிகர்கள் எதிர்பார்த்தனர். ஆனால் இறுதியில் முகேன் வெற்றி பெற்றதாக அறிவிக்கப்பட்டது. ஷெரின் மூன்றாம் இடம் பிடித்தார்.

அவருக்கு பல்வேறு பட வாய்ப்புகளும் அந்த நிகழ்ச்சிக்கு பிறகு வந்தது. அவர் தற்போது பேச்சுவார்த்தையில் இருக்கிறார். விரைவில் அவர் நடிக்கும் படங்கள் பற்றிய அறிவிப்பு வெளி வரலாம் என எதிர்பார்க்கப்படுகிறது.

ஷெரின் மற்றும் தர்ஷன் இடையே இருந்த விஷயம் பற்றி நிகழ்ச்சி முடிந்த பிறகு பெரிய சர்ச்சையாக பேசப்பட்டது. அதற்கு காரணம் தர்ஷன் தான் நிச்சயதார்த்தம் செய்து இருந்த நடிகை சனம் ஷெட்டியை திருமணம் செய்துகொள்ள மாட்டேன் என மறுத்தது தான். ஷெரின் தான் அவர்கள் பிரிவுக்கு காரணம் என ஒரு தரப்பினர் குற்றம் சாட்டினர். ஆனால் அது பற்றி ஷெரின் இதுவரை வெளிப்படையாக எந்த கருத்தும் தெரிவித்தது இல்லை என்பது குறிபிடத்தக்கது.