சிம்புவை சகோதரராக பிடிக்கும்: விஷால்

சென்னை: தென்னிந்திய நடிகர் சங்க கட்டடம் கட்டுவதற்காக கடந்த சில வாரங்களுக்கு முன்னதாக நட்சத்திர கிரிக்கெட் போட்டி நடத்தப்பட்டது.

இந்நிலையில், சமீபத்தில் நடிகர் சங்கத்தில் இருந்து விலகுவதாக நடிகர் சிம்பு அறிவித்ததுடன், நட்சத்திர கிரிக்கெட் போட்டி குறித்து விமர்சனம் செய்திருந்தார். இதற்கு கோலிவுட்டில் பலரும் சிம்பு தனது முடிவை பரிசீலனை செய்ய வேண்டும் என கேட்டுக் கொண்டனர்.

சிம்புவின் கருத்து குறித்து நடிகர் சங்க பொதுச்செயலாளர் விஷால் பதிலளிகையில்,'நிர்வாகம் சரியில்லை என்று கூறி விலகுவதற்கு நடிகர் சங்கம் என்பது ஒரு கிளப் கிடையாது. எங்களுக்கு இது புதிதாக உள்ளது. எனினும், சிம்புவின் கருத்துக்கு மதிப்பளிக்கிறோம். ஒரு நடிகராக, சகோதரனாக சிம்புவை எனாக்கு ரொம்ப பிடிக்கும் என கூறினார்.