தமிழ் திரையுலகில் கால்பதிக்கும் பிரபல நடிகையின் வாரிசு..!!

பல குணச்சித்திர கதாபாத்திரங்களில் நடித்து கவனம் ஈர்த்த லக்‌ஷ்மி ராமகிருஷ்ணன் இயக்குநராக அறிமுகமான படம் ’அரோகணம்’. இருமுனை கோளாறால் பாதிக்கப்பட்ட பெண்ணின் மனநிலையை இப்படம் பதிவு செய்திருந்தது.

விமர்சகர்கள் வட்டத்தில் பாராட்டப்பட்ட அரோகணம் படத்தை தொடர்ந்து ‘நெருங்கி வா முத்தமிடாதே’, ’அம்மினி’ போன்ற படங்களை அடுத்தடுத்து இயக்கினார். தற்போது லக்‌ஷ்மி ராமகிருஷ்ணன் இயக்கி வரும் ’ஹவுஸ் ஓனர்’.


இந்த படத்தில் பசங்க படத்தில் அறிமுகமான கிஷோர் கதாநாயகனாக நடிக்கிறார். அவருடன் இந்த படத்தில் பிரபல நடிகை விஜி சந்திரசேகரின் மகள் லவ்லின் கதாநாயகியாக நடிக்கிறார். 2015 சென்னை வெள்ளப்பாதிப்பு பின்னணியில் இப்படம் தயாராகி வருகிறது.
முன்னதாக ஹவுஸ் ஓனர் படத்தில் அசோக செல்வன் மற்றும் ஐஸ்வர்யா ராஜேஷ் நடிப்பதாக இருந்தது. ஆனால் படப்பிடிப்பு தொடங்க தாமதமானதால், தற்போது பசங்க கிஷோர் மற்றும் புதுமுக நாயகி லவ்லின் ஆகியோரை படக்குழு ஒப்பந்தம் செய்துள்ளது.

முதற்கட்ட படப்பிடிப்பு பணிகள் சமீபத்தில் முடிவடைந்த நிலையில், இரண்டாம் கட்ட படப்பிடிப்பு பணிகள் விரைவில் தொடங்கப்படவுள்ளதாக லக்‌ஷ்மி ராமகிருஷ்ணன் தெரிவித்தார். இந்த படத்தில் முக்கிய கதாபாத்திரத்தில் ’ஆடுகளம்’ கிஷோர் நடித்து வருவது குறிப்பிடத்தக்கது