திருட்டு டிவிடிக்கு செக் வைத்த லைகா நிறுவனம்

திருட்டு டிவிடி தயாரித்து வெளியிடுவோர், வாங்குவோர், டவுன் லோடு செய்து பார்ப்பவர்கள் மீது லைகா பட தயாரிப்பு நிறுவனம் தற்போது செக் வைத்துள்ளது.

படம் வெளியான அன்று மாலையே திருட்டு டிவிடி விற்பனையை தொடங்கிவிடுகிறார்கள் என்பதால் பெரிய முதலீடு செய்து படம் எடுப்பவர்களுக்கு லாபம் பெரிதாக கிடைப்பதில்லை.தற்போது இதனை தடுக்க லைகா நிறுவனம் ஒரு பழைய உத்தியை கையாண்டுள்ளது

ஜீ.வி.பிரகாஷ் நடிப்பில் வரும் வெள்ளிகிழமை வெளியாகவுள்ள எனக்கு ‘இன்னொரு பேரு இருக்கு’ படத்தினை காப்புரிமை செய்துள்ளது. அறிவுசார் காப்புரிமை மையத்தில் படத்தின் பதிவு எண்: ளி-0000780028.இதன்மூலம் அந்த நிறுவனம் திருட்டு டிவிடி விற்பவர்கள், வாங்குபவர்கள், பதிவேற்றுபவர்கள் மட்டுமல்லாமல் அதை டவுன்லோட் செய்து பார்ப்பவர்கள் மீதும் சட்டப்படி நடவடிக்கை எடுக்க முடியும்.