படம் ரெடி! தலைப்பு இன்னும் ரெடியாகவில்லையாம்!

படத்திற்கான தலைப்பு வைக்காமலேயே முழு படத்தையும் முடித்துள்ளது லைகா நிறுவனம்.

உதயநிதி ஸ்டாலின், மஞ்சிமா மோகன் ஆகியோர் நடிப்பில் ஒரு படத்தை தயாரித்துள்ளது லைகா நிறுவனம். இந்த நிறுவனத்தின் இது 9வது படமாம். மேலும் படத்தில் சூரி, ரவிமரியா, ராதிகா, ஆர்.கே.சுரேஷ் டேனியல் பாலாஜி உள்ளிட்ட பலர் நடித்துள்ளனர். படத்தை கவுரவ் இயக்கியுள்ளார். படத்திற்கு இமான் இசையமைத்துள்ளார்.

இதன் படப்பிடிப்புகள் கடந்த சில மாதங்களுக்கு முன்பு தொடங்கியது. தற்போது படப்பிடிப்புகள் அனைத்தும் முடிந்து பூசணிக்காய் உடைக்கப்பட்டுவிட்டது. தற்போது எடிட்டிங், டப்பிங், பின்னணி இசை கோர்ப்பு பணிகள் நடந்து வருகிறது. விரைவில் படத்தின் பாடல் வெளியீட்டு விழா நடத்தவுள்ளனர். அப்போது அந்தப் படத்தின் தலைப்பையும் அறிவிக்கவுள்ளதாம் தயாரிப்பு நிறுவனம்.

Lyca’s Film is ready; but not title