Varisu vs Thunivu: இது 'துணிவு' பட ஒப்பீடு அல்ல: 'வாரிசு' பட பிரபலம் பரபரப்பு பதிவு.!

கடந்த 11 ஆம் தேதி திரையரங்குகளில் வெளியான 'துணிவு' படம் ரசிகர்கள் மத்தியில் அமோக வரவேற்பினை பெற்று வருகிறது. அதே போல் 'வாரிசு' படம் அதே நாளில் வெளியாகி கலவையான விமர்சனங்களை பெற்று வருகிறது. இந்த இரண்டு படங்களும் போட்டி போட்டு வசூலில் மாஸ் காட்டி வருகிறது.

'துணிவு' படத்தில் அஜித்துடன் மஞ்சுவாரியர், சமுத்திரக்கனி, ஜி.எம்.சுந்தர், மகாநதி சங்கர், ஜான் கொக்கன், தர்ஷன், அமீர், பாவனி உள்ளிட்ட பலர் முக்கிய கதாபாத்திரங்களில் நடித்துள்ளனர். போனி கபூர் தயாரித்துள்ள இந்த படத்தின் தமிழ்நாடு வெளியீட்டு உரிமையை உதயநிதி ஸ்டாலினின் ரெட் ஜெயண்ட் மூவிஸ் நிறுவனம் கைப்பற்றியது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

அஜித், வினோத், போனி கபூர் கூட்டணி மூன்றாவது முறையாக 'துணிவு' படத்தில் இணைந்தது. வங்கி கொள்ளையை மையமாக வைத்து உருவாகியுள்ள இந்தப்படத்தில் அஜித்தின் நெகட்டிவ் ரோல் வேறலெவலில் இருப்பதாக ரசிகர்கள் கொண்டாடி வருகின்றனர் ரசிகர்கள். மேலும் சமூக பிரச்சனையை அனைவருக்கும் புரியும்படி ப்டமாக்கியுள்ளதாக வினோத்தை பாராட்டி வருகின்றனர்.

அதே போல் விஜய்யின் 'வாரிசு' படம் பேமிலி சென்டிமென்ட்டை மையமாக வைத்து உருவாகியுள்ளது. வம்சி பைடிபல்லி இயக்கியுள்ள இந்தப்படத்தில் விஜய் ஜோடியாக ராஷ்மிகா நடித்துள்ளார். மேலும் சரத்குமார், பிரபு, ஷாம், ஸ்ரீகாந்த், பிரகாஷ் ராஜ், ஜெயசுதா, சங்கீதா, எஸ்.ஜே. சூர்யா, யோகி பாபு உள்ளிட்ட பல முன்னணி நட்சத்திரங்கள் விஜய்யுடன் இணைந்து நடித்துள்ளனர்.

KH 234: ஆண்டவருடன் இணையும் சூப்பர் ஸ்டார்: மணிரத்னமின் வேறலெவல் திட்டம்..!

இந்நிலையில் வாரிசு படம், வெளியான 7 நாளில் உலகம் முழுவதும் ரூ. 210 கோடி வசூலித்துள்ளதாக தயாரிப்பு நிறுவனம் போஸ்டருடன் அதிகாரப்பூர்வ அறிவிப்பை வெளியிட்டுள்ளது. இதனையடுத்து பாடலாசிரியர் விவேக் தனது ட்விட்டர் பக்கத்தில் இந்த போஸ்டரை பகிர்ந்து, இது துணிவு படத்தின் ஒப்பீட்டு பதிவு அல்ல. படம் வெற்றியுடன் ஓடுவதற்கு வாழ்த்துகள்" என குறிப்பிட்டுள்ளார்.

Thunivu: ஏகே பற்ற வைத்த நெருப்பு: 'துணிவு' வெற்றிக்கு பிறகு மஞ்சு வாரியர் செய்த காரியம்.!

மேலும் “வாரிசு படம் பொங்கல் வரை நல்ல வரவேற்புடன் ஓடும் என்று தெரிந்தவையே. ஆனால் இன்றைய நாளுக்காக தான் காத்திருந்தேன். இந்த அறிவிப்பிற்காக தான் காத்திருந்தேன். எனக்கு இப்போது தான் இந்த அறிவிப்பு தெரிய வந்தது என பதிவிட்டுள்ளார். அவரின் இந்த பதிவு இணையத்தில் வைரலாகி வருகிறது. விவேக், 'வாரிசு' படத்தின் அனைத்து பாடல்கள், வசனம் மற்றும் திரைக்கதையில் பணியாற்றியுள்ளார் என்பது குறிப்பிடத்தக்கது.