அராத்து ஆனந்தியின் "மாரி-2" படம் டிசம்பர் 21ல் வெளியாகும்!

தனுஷ் தயாரிப்பில், இயக்குனர் பாலாஜிமோகன் இயக்கத்தில் நடிகர் தனுஷ் நடிப்பில் வெளியான திரைப்படம் “மாரி”. இந்த திரைப்படம் ரசிகர்கள் மத்தியில் நல்ல வரவேற்பை பெற்றது. இந்த திரைப்படத்தில் நடிகை காஜல் அகர்வால், தனுஷுக்கு ஜோடியாக நடித்திருந்தார். மேலும் படத்தில் ரோபோ சங்கர், விஜய் ஏசுதாஸ், காளி வெங்கட், கோபி மற்றும் சண்முகராஜன் உட்பட பலர் நடித்திருந்தனர். இந்தப் படத்திற்கு அனிருத் இசையமைத்திருந்தார்.

இந்த படம் ரசிகர்கள் மத்தியில் நல்ல வரவேற்பை பெற்ற நிலையில், அடுத்த படியாக ‘மாரி 2’ பாகத்தை ரசிகர்கள் எதிர்பார்த்திருந்தனர். அந்த வகையில் ‘மாரி 2’ படத்தில் நடிகர் தனுஷ் மற்றும் அவருக்கு ஜோடியாக முதன் முறையாக சாய் பல்லவி நடித்துள்ளார். மேலும் இந்தப் படத்தில் வரலக்ஷ்மி சரத்குமார், ரோபோ சங்கர், வித்யா மற்றும் கல்லூரி வினோத் ஆகியோர் நடித்துள்ளனர்.

மேலும் இந்த திரைப்படத்திற்கு இசையமைப்பாளர் யுவன் சங்கர் ராஜா இசையமைத்துள்ளார். இந்த திரைப்படத்தை நடிகர் தனுஷின் ஒன்டர்பார் பிலிம்ஸ் தயாரித்துள்ளது. தற்போது இப்படத்தின் ரிலீஸ் தேதி அறிவித்துள்ளனர். வருகிற கிறிஸ்துமஸ் விடுமுறையை முன்னிட்டு டிசம்பர் மாதம் 21ம் தேதி வெளியிட இருப்பதாக படக்குழுவினர் அறிவித்துள்ளனர்.