அம்மா கேரக்டரில் மாதுரி தீட்சித்

நடிகை மாதுரி தீட்சித் ஒரு படத்தில் அம்மா கேரக்டரில் நடிக்கிறார்.

பாலிவுட் உலகின் முன்னணி நடிகையாக வலம் வந்தவர் மாதுரி தீட்சித். நீண்ட இடைவெளிக்குப் பின் அவர் நடிப்பில் வெளியான குலாப் கேங் படம் தோல்வியடைந்து விட்டது. தற்போது இயக்குநர் கரண் ஜோகர் இயக்க இருக்கும் புதுப்படம் ஒன்றில் ஆலியா பட்டின் அம்மாவாக மாதுரி தீட்சித் நடிக்க உள்ளதாக தகவல் வெளியாகி உள்ளது.

இப்படத்தில் ஆலியா பட்டுடன், வருண் தவாண் மற்றும் அர்ஜுன் கபூர் ஆகியோரும் நடிக்க இருப்பதாக தகவல்கள் தெரிவிக்கின்றன. இதற்கு முன்னரே ஒருமுறை அம்மா ரோலில் நடிக்க வாய்ப்பு வந்த போது, அந்த ரோலில் நடிக்க மாதுரி மறுத்தது குறிப்பிடத்தக்கது.