சசிகுமாருக்கு ஜோடியாகும் விஜய் சேதுபதி பட ஹீரோயின்!

‘காதலும் கடந்து போகும், ‘கவண்’ ஆகிய படங்களில் விஜய் சேதுபதிக்கு ஜோடியாக நடித்தவர் நடிகை மடோனா ஜெபஸ்டியன். இவர் மலையாளத்தில் ‘பிரேமம்’ படத்தின் மூலம் சினிமாவில் அறிமுகமானார். தற்போது சசிகுமாருக்கு ஜோடியாக நடிக்கவுள்ளதாக கூறப்படுகிறது.

எஸ்.ஆர்.பிரபாகரன் இயக்கத்தில், சசிகுமார் நடித்து ரிலீஸான படம் ‘சுந்தர பாண்டியன்’.2012-ம் ஆண்டு வெளியான இப்படம் ரசிகர்களிடையே நல்ல வரவேற்பு பெற்றது. இந்தப் படத்துக்குப் பிறகு எஸ்.ஆர்.பிரபாகரன், ‘இது கதிர்வேலன் காதல்’ மற்றும் ‘சத்ரியன்’ஆகிய படங்களை இயக்கினார். தற்போது நடிகர் சசிகுமாரை வைத்து ‘கொம்பு வச்ச சிங்கம்டா’ என்ற படத்தை இயக்கவுள்ளார்.
இந்தப் படத்தின் ஹீரோயின் யார் என்பது தான் கேள்விக்குறியாக இருந்து வந்தது. பலரும் இந்தப் படத்தில் கீர்த்தி சுரேஷ் நடிப்பார் என்றுகூறி வந்தார்கள்.ஆனால், அவர் இந்த படத்தில் நடிக்கவில்லை. தற்போது வந்த தகவலின்படி விஜய் சேதுபதிக்கு ஜோடியாக நடித்த நடிகை மடோனா ஜெபஸ்டியன் தான் இப்படத்தின் ஹீரோயினாம்.