நடிகர் சங்கம் கட்டடம்: இடைக்காலத் தடையை நீக்கியது சென்னை உயர்நீதிமன்றம்!!

நடிகர் சங்க கட்டடம் கட்ட விதிக்கப்பட்ட இடைக்காலத் தடையை சென்னை உயர் நீதிமன்றம் இன்று நீக்கியது. .

சென்னை தியாகராய நகர் அருகே நடிகர் சங்கத்திற்கான அடிக்கல் நாட்டு விழா நடந்தது. இந்நிலையில், தியாகராய நகர், அபிபுல்லா சாலை மற்றும் பிரகாசம் தெருவை இணைக்கும் 33 அடி அகல பொது சாலையை, நடிகர் சங்கத்தினர் ஆக்ரமித்துள்ளதாக குற்றச்சாட்டு எழுந்தது. இதனால் கட்டடம் கட்ட தடை விதிக்க வேண்டுமென ஸ்ரீரங்கன் மற்றும் அண்ணாமலை ஆகிய இருவர் சென்னை உயர்நீதிமன்றத்தில் வழக்கு தொடர்ந்தனர்.

இந்த வழக்கை விசாரித்த சென்னை உயர்நீதிமன்றம் நடிகர் சங்கத்திற்கான கட்டடம் கட்டுவதற்கு இடைக்கால தடை விதித்தது. இது தொடர்பாக உரிய விளக்கம் அளிக்ககோரி அரசு சார்பில் வழக்கறிஞர் நியமிக்கப்பட்டார்.

ஸ்ரீரங்கன் மற்றும் அண்ணாமலை தரப்பில் எழுப்பப்பட்ட குற்றச்சாட்டுகளுக்கு உரிய ஆதராங்கள் இல்லை என்று நீதிபதிகளிடம் அவர் தெரிவித்தார். இதன் அடிப்படையில் கட்டிடம் கட்ட விதிக்கப்பட்ட இடைக்கால தடையை நீதிமன்றம் நீக்கியது.

madras high court vacates interim stay on construction of new building for south indian actors association