விஷாலை பாராட்டிய மகேஷ் பாபு!

‘இரும்புத்திரை’ படத்தைப் பார்த்து, நடிகர் விஷாலை, தெலுங்கு சூப்பர் ஸ்டார் மகேஷ்பாபு பாராட்டியுள்ளார்.

விஷால் நடிப்பில் தமிழில் வெளியான படம் ‘இரும்புத்திரை’. இந்தப் படம் தெலுங்கில் ‘அபிமன்யுடு’ என்ற பெயரில் வெளியானது. இந்தப் படத்தை பி.எஸ்.மித்ரன் இயக்கியிருந்தார்.

இந்தப் படத்தில் நடிகை சமந்தா, ஜெர்மி ரோஸ்கி, டெல்லி கணேஷ், ரோபோ சங்கர் உட்பட பலர் நடித்திருந்தனர். இந்தப் படத்தில் வில்லனாக நடிகர் அர்ஜுன் நடித்திருந்தார். இந்தப் படத்திற்கு யுவன் ஷங்கர் ராஜா இசையமைத்திருந்தார். இந்தப் படத்தை விஷால் தயாரித்திருந்தார்.

இந்த படம் கடந்த மாதம் தமிழில் வெளியாகி ரசிகர்களிடையே நல்ல வரவேற்பை பெற்று தெலுங்கில் ‘அபிமன்யுடு’ என்ற பெயரில் வெளியாகி மிகப்பெரிய வசூல் சாதனையை படைத்துள்ளது. இந்த படத்தை பார்த்த தெலுங்கு சூப்பர் ஸ்டார் மகேஷ் பாபு, நடிகர் விஷாலையும், படக்குழுவையும் வெகுவாக பாராட்டியுள்ளார்.