எம்.ஏ. பட்டப் படிப்பு படித்து வரும் மகிமா நம்பியார்!

நடிகை மகிமா நம்பியார் தற்போது படப்பிடிப்பை ஒத்திவைத்துவிட்டு, எம்.ஏ. பட்டப் படிப்பு படித்து வருகிறார்.

நடிகை மகிமா நம்பியார் ‘சாட்டை’ படத்தின் மூலம் அறிமுகமானார். அதையடுத்து பல படங்களில் நடித்துள்ளார். தற்போது ‘அசுரகுரு’ படத்தில் விக்ரம்பிரபுவுக்கு ஜோடியாக நடித்து வருகிறார். இவருக்கு நாளை முதல் எம்.ஏ. பட்டப்படிப்புக்கான இலக்கியத் தேர்வு நடைபெறவுள்ளது. ஆகையால் ஒரு மாதத்திற்கு எந்தப் படத்திலும் நடிக்காமல் இருந்து வருகிறார்.

அதற்காக தனது கால்ஷீட்டை மாற்றிக் கொண்டுள்ளார். இது இரண்டு ஆண்டு தேர்வு என்பதால் முழு கவனத்துடன் எழுதி, ‘எம்.ஏ’ பட்டம் பெற்றுவிட வேண்டும் என்பதில் உறுதியாக இருக்கிறார். தேர்வு முடிந்ததும், மம்மூட்டி நடிப்பில் உருவாக உள்ள புதிய படத்தில் நடிக்க ஒப்பந்தமாக உள்ளார் மகிமா நம்பியார்.