ஒரு பெண்ணிடம் இப்படி ஒரு கேள்வியை கேட்கலாமா? கோபமான மஹிமா நம்பியார்

சென்ற மாதம் வெளிவந்த அசுரகுரு படத்தில் ஹீரோயினாக நடித்திருந்தார் மஹிமா நம்பியார். அதில அவரது நடிப்புக்கு பாராட்டுகளும் கிடைத்து வருகிறது.

மஹிமா முதன்முதலில் ஹீரோயினாக அறிமுகம் ஆனது சமுத்திரக்கனி நடித்த சாட்டை படத்தில் தான். அதில் அவர் பள்ளி மாணவியாக நடித்திருப்பார். அதற்கு பிறகு பல வருடங்கள் கழித்து குற்றம் 23 படம் மூலமாக தமிழ் ரசிகர்களின் கவனத்தை மீண்டும் ஈர்த்தார்.

தற்போது கொரோனா ஊரடங்கு போடப்பட்டுள்ள நிலையிலும் மஹிமா தொடர்ந்து வெளியிட்டுவரும் போட்டோஷூட் புகைப்படங்களுக்கு ரசிகர்கள் மத்தியில் நல்ல ரெஸ்பான்ஸ் கிடைக்கிறது. தொடர்ந்து அவரது அடுத்த படம் என்ன என்றுதான் ரசிகர்கள் கேட்டுவருகின்றனர்.

இந்நிலையில் சமீபத்தில் இன்ஸ்டாகிராமில் ரசிகர்களுடன் பேசினார் மஹிமா. அப்போது ரசிகர்களின் கேள்விகளுக்கு ஓப்பனாக பல பதில்களை அளித்தார்.

அப்போது ஒருவர் 'உங்கள் வயது என்ன?' என கேட்டார். அதற்கு பதில் அளித்த மஹிமா "பெண்களிடம் வயதையும், ஆண்களிடம் சம்பளத்தையும் பற்றி கேட்கக் கூடாது" என பதில் அளித்துள்ளார்.

மேலும் தற்போது கொரோனா ஊரடங்கு காரணமாக வீட்டுக்கு உள்ளேயே இருக்கும் மஹிமா நம்பியார் தனது வீட்டில் சுவற்றில் பென்சில் பயன்படுத்தி ஓவியம் வரைந்து வருவதை வீடியோவாக வெளியிட்டுள்ளார்.

அதை பார்த்த நெட்டிசன்கள் உங்களுக்குள் இப்படி ஒரு திறமை இருக்கிறதா என ஆச்சர்யத்துடன் பாராட்டி தள்ளினார்கள் என்பது குறிப்பிடத்தக்கது.