சொந்த மொழியில் டப்பிங் பேசிய சந்தோஷத்தில் மஹிமா!

சொந்த மொழியான மலையாளத்தில் டப்பிங் பேசியதற்காக அதிக சந்தோஷத்தில் இருக்கிறார் மஹிமா நம்பியார்.

மஹிமா நம்பியார் ‘சாட்டை’ படம் மூலம் தமிழில் அறிமுகமானார். இதற்குமுன் மலையாளத்தில் ‘கார்யஸ்தன்’ என்கிற மலையாளப்படத்தில் திலீப்பின் தங்கையாக முதன்முதலாக மஹிமா நம்பியார் அறிமுகமானார். அதை தொடர்ந்து தமிழ் சினிமா பக்கம் வந்துவிட்டார் மஹிமா.

அதன்பின் கடந்த 7 வருடங்களாக சொந்த மொழியில் நடிக்கவில்லை. இப்போது அந்த மனக்குறை தீரும் விதமாக மம்முட்டியுடன் இணைந்து ‘மாஸ்டர் பீஸ்’ என்கிற படத்தில் மூன்று நாயகிகளில் ஒருவராக நடித்துள்ளார் மஹிமா.

இந்தப் படத்தின் படப்பிடிப்பு முடிவடைந்து, இதன் டப்பிங் பணிகள் நடைபெற்று வருகிறது. முதன்முறையாக மலையாளத்தில் கதாநாயகியாக நடித்துள்ள இந்தப் படத்தில், சொந்தக்குரலிலேயே டப்பிங் பேசியிருப்பதால் அதிக சந்தோஷத்தில் இருக்கிறார் மஹிமா.

இந்தப் படம் கிறிஸ்துமஸ் பண்டிகை விடுமுறையில் வெளியாகவுள்ளது. இந்தப் படத்தில் மஹிமா நம்பியாருடன், வரலட்சுமி மற்றும் பூனம் பஜ்வா என இன்னும் இரு கதாநாயகிகளும் நடித்துள்ளனர்.

Mahima Nambiar speaks own dubbing for Malayalam movie.