Vijay Sethupathi: தனுஷூக்கு போட்டியாக களமிறங்கும் மக்கள் செல்வன்: சங்கத்தமிழன் ரிலீஸ் தேதி அறிவிப்பு!

வாலு, ஸ்கெட்ச் ஆகிய படங்களை கொடுத்தவர் இயக்குநர் விஜய் சந்தர். இவரது இயக்கத்தில் தற்போது உருவாகியுள்ள படம் சங்கத்தமிழன். இப்படத்தில், விஜய் சேதுபதி, ராஷி கண்ணா, நிவேதா பெத்துராஜ், ஜான் விஜய், சூரி, நாசர் ஆகியோர் பலர் நடித்துள்ளனர்.

இந்த நிலையில், இப்படம் வரும் அக்டோபர் 4 ஆம் தேதி திரைக்கு வரும் என்று அறிவிக்கப்பட்டுள்ளது. அதற்கு முன்னதாக வரும் 17ம் தேதி இப்படத்தின் இசை வெளியீட்டு விழா நடக்க இருக்கிறது. இப்படத்தை விஜயா புரோடக்‌ஷன்ஸ் நிறுவனம் சார்பில் பாரதி ரெட்டி தயாரித்துள்ளார்.

சாய்ராம் கல்லூரியில் பிகில் இசை வெளியீடு?

DivyaBharathi: ஹீரோயினாக அறிமுகமாகும் கோயம்புத்தூர் மாடல்!

சைலண்டா படப்பிடிப்பை தொடங்கிய தல? வைரலாகும் புகைப்படம்!

இப்படத்திற்கு விவேக்-மெர்வின் இசையமைத்துள்ளனர். வேல்ராஜ் ஒளிப்பதிவு செய்ய, பிரவீன் கே.எல் எடிட்டிங் செய்துள்ளார். முதலில், இப்படம் வரும் தீபாவளி பண்டிகையை முன்னிட்டு திரைக்கு வரும் என்று படக்குழுவினர் அறிவித்தனர். ஆனால், அப்போது தளபதி விஜய்யின் பிகில் படம் வெளியாவதால், இப்படத்தின் ரிலீஸ் தேதி மாற்றப்பட்டது. அதன்படி, வரும் அக்டோபர் மாதம் 4ம் தேதி சங்கத்தமிழன் வெளியாகும் என்று அறிவிக்கப்பட்டுள்ளது.


ஆனால், அன்றைய தினத்தில் தனுஷின் அசுரன் படம் வெளியாகிறது. மேலும், ஜிவி பிரகாஷின் 100% காதல் படமும் திரைக்கு வருகிறது என்பது குறிப்பிடத்தக்கது. இப்படி, ஒரே நாளில் 3 படங்கள் திரைக்கு வருவதால், மாஸ் நடிகர்களின் படங்களின் வசூல் பாதிக்கப்படும் என்று எதிர்பார்க்கப்படுகிறது. ஆதலால், ஜிவி பிரகாஷின் 100% காதல் படத்தின் ரிலீஸ் தேதி மாற்றியமைக்கப்படும் என்று தெரிகிறது.


தற்போது விஜய் சேதுபதி நடிப்பில், உருவாகி வரும் மார்கோனி மதை, கடைசி விவசாயி, லாபம், சைரா நரசிம்ம ரெட்டி, மாமனிதன், உப்பென்னா, இடம் பொருள் ஏவல் ஆகிய படங்கள் அடுத்தடுத்து வெளியாக உள்ளன. தீபாவளிக்கு விஜய்யின் பிகில் படம் மட்டுமே திரைக்கு வருகிறது என்பது குறிப்பிடத்தக்கது.