கவர்ச்சி நடிகை ஷகீலாவின் வாழ்க்கை வரலாறு படத்தின் ஃபர்ஸ்ட் லுக் போஸ்டர் வெளியீடு!

மலையாள கவர்ச்சி நடிகை ஷகீலாவின் வாழ்க்கை வரலாறு படத்தின் ஃபர்ஸ்ட் லுக் போஸ்டர் வெளியாகியுள்ளது.

மலையாள கவர்ச்சி நடிகை ஷகீலாவின் வாழ்க்கை வரலாற்றை மையமாக கொண்ட பாலிவுட் படத்தை இந்திரஜித் லங்கேஷ் என்பவர் இயக்கி வருகிறார். ஷகீலாவின் கதாபாத்திரத்தில் பாலிவுட் நடிகை ரிச்சா சத்தா நடித்து வருகிறார். இப்படத்தின் படப்பிடிப்பு தொடங்கப்பட்டு விறுவிறுப்பாக நடந்து வருகிறது.

கேரளாவை சேர்ந்த ஷகீலா, 90-களில் கவர்ச்சி உலகில் கொடிகட்டி பறந்தார். இவர் மலையாளம், தமிழ், தெலுங்கு படங்களில் நடித்ததோடு, இந்தியா மட்டுமல்லாமல், உலகளவில் அதிக ரசிகர்களின் செல்வாக்கை பெற்றவர். தளபதி விஜய்யின் அழகிய தமிழ் மகன், விக்ரம் நடித்துள்ள தூள் ஆகிய படங்களிலும் நடித்துள்ளார் என்பது குறிப்பிடத்தக்கது.

நடிகை ஷகீலா வாழ்க்கை சுயசரிதை படத்தின் ஃபர்ஸ்ட் லுக் போஸ்டர் வெளியீடு

Samayam
ஷகீலா தனது 16 வயது முதல் திரைப்படங்களில் நடித்து வருகின்றார். இன்றளவும் நடிக்கிறார். அதனால் ஷகீலாவின் கதாபாத்திரத்தில் நடிக்கும் ரிச்சா சத்தாவுக்கு ஷகீலா மாதிரி திரையில் பிரதிபலிப்பது பெரிய சவாலாக இருக்கும் என சத்தா தெரிவித்துள்ளார்.

இந்த நிலையில் இப்படத்தின் அதிகாரப்பூர்வ ஃபர்ஸ்ட் லுக் போஸ்டர் வெளியாகியுள்ளது. இந்த போஸ்டரில் மேஜிக் சினிமா புரோடக்‌ஷன்ஸ் மற்றும் யுத்தாஸ் எண்டர்டெயின்மெண்ட் நிறுவனம் இணைந்து வழங்கும் ஷகீலா என்று குறிப்பிடப்பட்டுள்ளது. மேலும், பார்ன் நடிகை இல்லை என்றும் கூறப்பட்டுள்ளது என்பது குறிப்பிடத்தக்கது.