Asuran: தனுஷ் படத்தில் வில்லனாகும் பிரபல மலையாள நடிகர்!

தனுஷ் தற்போது வெற்றி மாறன் இயக்கத்தில் ‘அசுரன் என்ற படத்தில் நடித்து வருகிறார். இதைத்தொடர்ந்து துரை செந்தில்குமார் இயக்கத்தில் ‘பட்டாஸ்’ என்ற படத்தில் நடிக்கப் போகிறார் என்று செய்திகள் வெளியாகியுள்ளன. இப்படத்தின் பர்ஸ்ட் லுக் போஸ்டர் தனுஷின் பிறந்த நாளான ஜூலை 28 ஆம் தேதி வெளியாகி ரசிகர்களிடம் நல்ல வரவேற்பை பெற்றுள்ளது.

இதைத் தொடர்ந்து நடிகர் தனுஷ் பாலிவுட்டில் வெளிவந்த ஆயுஷ்மான் குரானாவின் “ஆர்ட்டிகிள் 15” என்ற படத்தை ரீமேக் செய்து அவரே தயாரித்து நடிக்கவுள்ளார் என்று தகவல் வெளியாகியுள்ளது. வரிசையாக பல படங்கள் ரிலீஸுக்கு காத்திருக்கும் நிலையில் தனுஷ், இயக்குனர் கார்த்திக் சுப்பராஜ் படத்தில் நடிப்பது உறுதியாகியுள்ளது.

Also Read: இந்திய அளவில் முதலிடம் பிடித்த நேர்கொண்ட பார்வை: அஜித்துக்கு குவியும் பாராட்டு!

பீட்சா, “ஜிகர்தண்டா, “இறைவி, “பேட்ட என்று தொடர்ச்சியாக வெற்றிப் படங்களை இயக்கிக் கொண்டிருக்கிறார் கார்த்திக் சுப்பராஜ். இவர் தற்போது நடிகர் தனுஷை வைத்து படம் எடுப்பது உறுதியாகியுள்ளது. இப்படத்தில் தனுஷுக்கு ஜோடியாக ஐஸ்வர்யா லட்சுமி நடிக்கப் போகிறார். மேலும் இப்படத்தின் நடிகர்கள் தேர்வு விறுவிறுப்பாக நடந்து கொண்டிருக்கிறது. பெயரிடப்படாத இப்படத்தில் வில்லனாக நடிக்க ஜோஜூ ஜார்ஜ் ஒப்பந்தம் செய்யப்பட்டுள்ளார். அண்மையில் இதுகுறித்த அதிகாரப்பூர்வ அறிவிப்பு வெளியாகியுள்ளது.

Also Read: துப்பாக்கியுடன் போஸ் கொடுக்கும் ஹிருத்திக் ரோஷன்: வார் படத்தின் ஃபர்ஸ்ட் லுக் போஸ்டர்!

மலையாள நடிகர்கள் தனுஷ் படங்களில் நடித்து வருவது வழக்கமாகியுள்ளது. நயன்தாரா, பார்வதி மேனன், அனன்யா, அமலா பால், நஸ்ரியா, கீர்த்தி சுரேஷ், அனுபமா, மஞ்சுவாரியார் ஆகியோர் இதற்கு முன் தனுஷ் படங்களில் நடித்திருந்தனர். அதைத்தொடர்ந்து மாரி 2 படத்தில் நடிகர் டொவினோ தாமஸ் வில்லனாக நடித்திருந்தார்.

Also Read: Sivakarthikeyan: மீரா மிதுன் பதிவிட்ட டுவீட்: சிவகார்த்திகேயன் மூலம் ரசிகர்களை சந்திக்கும் பிக் பாஸ் பிரபலம்!

தற்போது பிரபல மலையாள நடிகர் ஜோஜூ ஜார்ஜ் தமிழ் படத்தில் வில்லனாக அறிமுகமாகிறார். ஜோஜூ ஜார்ஜ் 1995-லிருந்து மலையாள படங்களில் நடித்து வருகிறார். சமீபத்தில் இவர்ஜோசப் எனும் படத்தில்ல நடித்திருந்தார். இப்படம் மற்ற மொழிகளிலும் கவனத்தை ஈர்த்தது. இவர் நான்கு மலையாள படங்களை தயாரித்திருக்கிறார். தற்போது கார்த்திக் சுப்புராஜ் இயக்கும் படத்தில் வில்லனாக மாறியுள்ளார்.