மலையாள சினிமாவிலும் நடிகைகளுக்கு பாலியல் தொல்லை அதிகம்- நடிகை பகீர்!

மலையாள சினிமாவிலும் நடிகைகளுக்கு படுக்கைக்கு அழைக்கும் வழக்கம் இருப்பதாக பிரபல மலையாள நடிகை ஹனிரோஸ் அதிர்ச்சி தகவலை கூறியுள்ளார்.

தெலுங்கு திரையுலகில் நடிகைகளை படுக்கைக்கு அழைக்கும் வழக்கம் இருப்பதாக சமீபத்தில் தெலுங்கு நடிகை ஸ்ரீரெட்டி கூறி பெரும் பரபரப்பை ஏற்படுத்தியிருந்தார். அவருக்கு பின்னர் பாலிவுட்டில் இருந்து கோலிவுட் வரை பலர் தங்களுக்கு நேர்ந்த பாலியல் தொல்லை குறித்து வெளியே சொல்லத் தொடங்கினர்.

இந்நிலையில் பிரபல மலையாள நடிகை ஹனிரோஸ். இவர் தமிழில் தமிழில் ‘சிங்கம்புலி’, ‘மல்லுக்கட்டு’ ஆகிய படங்களில் நடித்துள்ளார். தற்போது இவர் ‘‘மலையாள திரையுலகிலும் பாலியல் தொல்லைகள் இருந்ததாகவும், இந்த பிரச்சனையை தானும் சந்திக்க நேர்ந்ததாகவும்’’ கூறியுள்ளார்.

நான் நடிக்க வந்த புதிதில் சினிமாவில் உள்ளவர்கள் தன்னிடம் இரட்டை அர்த்தத்தில் பேசினார்கள். பேச்சால் தன்னை மயக்கப் பார்த்தார்கள். சிலர் பாலியல் தொல்லைகளை கொடுக்க முயன்றதாகவும், ஆனால், தான் மனதளவில் உறுதியாக இருந்ததால் தனக்கு எந்த பிரச்னையும் ஏற்படவில்லை என்றும் நடிகை ஹனிரோஸ் கூறியுள்ளார்.

நடிகை ஹனிரோஸ் கூறியுள்ள இந்த குற்றச்சாட்டு மலையாள திரையுலகை அதிர்ச்சியடைய செய்துள்ளது